Detalles do produto
K Hagberg/M Hagberg
Medicións
- lonxitude: 110 cm
- Ancho: 67 cm
Opinións dos clientes
SANDSBERG resiste a vida diaria
As mesas e cadeiras de comedor son as que máis sofren da casa. Resisten día tras día, cando te abalanzas sobre elas para almorzar, cando botas varias horas durante a cea ou cando a zona de comedor se transforma nun espazo de estudo. Por iso sometemos á mesa e as cadeiras SANDSBERG ás probas máis esixentes, do mesmo xeito que a todos os nosos produtos.
Independentemente do seu prezo, podes confiar en que as mesas, cadeiras e demais produtos que atopes en IKEA cumpren as máis estritas esixencias internacionais de seguridade e calidade. "Tamén seguimos realizando probas de xeito regular sempre que haxa un produto dispoñible na nosa gama de produtos", afirma Magnus Wernersson, un dos nosos responsables de desenvolvemento de produtos, que participou na serie SANDSBERG.
Simulación de tensións
IKEA utiliza laboratorios de ensaios certificados, o que significa que todas as probas se realizan de acordo coa normativa internacional. "Todas as nosas mesas se somenten a probas estáticas e de fatiga para comprobar a súa resistencia e a durabilidade ao longo do tempo. Por exemplo, nunha das probas, deixamos caer a mesa dende unha altura duns poucos centímetros para simular que cae durante unha mudanza ou mentres se cambian os mobles de sitio".
Calidade para diferentes corpos
Dende as primeiras fases do desenvolvemento dos nosos produtos, centrámonos na calidade e na seguridade. "Ao facer os nosos bosquexos, xa sabemos por experiencia as dimensións que deben ter as patas das cadeiras. Tamén podemos simular diferentes tensións ás que está exposta a cadeira en diferentes programas informáticos", di Magnus, e afirma que, mesmo cando pensamos que estamos completamente quietos nunha cadeira, movémonos e cambiamos a carga de lugar. "No traballo de desenvolvemento debemos ter en conta o feito de que as persoas sentan de xeito diferente e teñen corpos diferentes. O respaldo da cadeira SANDSBERG é relativamente delgado e deseñouse para ofrecer flexibilidade e un apoio cómodo para as costas e para resistir a vida diaria no fogar".
Calidade
SANDSBERG mantense firme na vida cotiá
As mesas e cadeiras de comedor teñen quizá algunhas das tarefas máis duras do fogar. Día tras día, mantéñense firmes cando tomas un almorzo rápido ou o comedor transfórmase en zona de estudo. Como todos os nosos produtos, SANDSBERG pasou por probas realmente duras en laboratorios certificados. Así podes confiar en que os teus mobles cumpren as estritas esixencias internacionais de seguridade e calidade, e poden soportar a túa vida diaria en casa.
A idea tras o produto
A idea tras o produto
"No que respecta a serie SANDSBERG, como nas demais, traballamos para crear un deseño óptimo e funcional con medios escasos. Mobles lixeiros e cómodos, fáciles de mover dun sitio a outro. Neste caso utilizamos madeira e metal, o que pasa é que mesturar materiais e optimizar o uso que se fai deles implica afrontar retos adicionais á hora de superar os requisitos técnicos e conseguir o mellor prezo posible. Por iso nos comprace finalizar os nosos 41 anos en IKEA con esta serie. Agardamos ansiosos a ver a recepción que suscita".