Accesorios para mascotas

Para entender o que precisan as mascotas, temos que pensar coma elas. Por iso recorremos a deseñadores amantes dos animais e veterinarios formados que nos axudasen a desenvolver LURVIG, a colección de fogar IKEA para cans e gatos. Ao comprender o comportamento e as necesidades naturais das nosas mascotas, podemos facer que se sintan cómodas e relaxadas. Así elas tamén poden gozar, relaxarse e divertirse nas nosas casas.

Un can está sentado no medio dun cuarto rodeado de mantas, coxíns e un cunco para comer de aceiro, todo da colección LURVIG.

Un deseño para todas as personalidades

Cada mascota ten a súa propia personalidade e necesidades. Por este motivo LURVIG ofrece unha amplia gama de mobles e accesorios para mascotas con cores, deseños e texturas varios entre os que escoller.

Nesta gama, que abrangue dende cómodos iglús para gatos e camas para que os cans se acurrunchen ata coxíns fáciles de limpar e cuncos de cerámica, seguro que hai algo que lle encante á túa mascota.


Para as viaxes

Naturalmente, o teu mellor amigo debe acompañarte nas viaxes. Este transportín (cun cunco de viaxe a xogo) mantén segura a mascota e pode transformarse facilmente nunha cama ao chegar ao destino.

Comodidade para durmir e facilidade de limpeza

Sabemos que limpar o que manchan as mascotas pode ser un traballo difícil, xa que soltan pelo por todas partes. Ofrecemos este enxeñoso coxín cunha tea resistente á auga. Pódese limpar facilmente cun pano e o pelo non se pega a el. Cando vaias lavar a roupa, simplemente saca a funda e métea na lavadora.

Grandes aventuras

Este xenial túnel de xogo garante horas de diversión, independentemente do tamaño da mascota. Cando remate o tempo de xogo, podes aforrar espazo pregándoo para gardalo plano.