Artigos escandinavos de piñeiro macizo nunha nova cor
Dámosche a benvida a unha experiencia culinaria moi agradable, onde a tradición se fusiona coa ledicia cotiá. A mesa de comedor e as cadeiras PINNTORP de piñeiro macizo nunha orixinal cor azul reflicten a forma escandinava de xuntarse, coa sinxeleza, a calidez e a unión como pratos principais. Son algo máis que mobles, xa que crean un escenario no que seguro que non faltan risas, historias e momentos compartidos. Os tons marrón claro e azul achegan un toque atrevido e propician un espazo onde cada persoa, por grande ou pequena que sexa, se sentirá como se estivese no seu fogar.
Un novo tallo alto que prioriza a túa comodidade
Presentámosche o tallo alto SYNTORP, que convida a sentar a tomar algo despois do traballo, descansar un pouco mentres escribes unha nota de agradecemento ou saborear máis unha comida deliciosa. A súa altura é perfecta para illas de cociña e, grazas a un asento espazoso, un respaldo acolledor e repousabrazos nos que apoiarse ―todo tapizado―, encantarache o confort que ofrece. O repousapés arredondado axuda a sentar nunha posición máis relaxada, e a funda extraíble pode lavarse á máquina e fai que sexa máis doado que sempre estea limpo e como novo.
Serie de comedor TONSTAD
A serie de comedor TONSTAD combina funcionalidade e estilo. Presenta un deseño clásico cunha variedade de acabados que inclúen chapa de carballo e branco óso, así como detalles suaves e arredondados que proporcionan calidez e elegancia. Podes elixir cadeiras tapizadas por completo ou con asentos acolchados ―todas con fundas lavables―, e mesmo atoparás mesas extensibles por se ás veces precisas máis espazo.
Ás veces, precisamos algo máis de espazo
Cando sintas que che fai falla unha mesa máis grande para realizar as túas actividades, VIHALS é a solución indicada. Cun deseño depurado e minimalista ―e grazas á flexible funcionalidade que ofrece―, adáptase sen problemas a calquera estilo e situación.
