IKEA para Empresas
Talvez te dediques aos hoteis, ás oficinas, ao pequeno comercio... Sexa cal for o teu negocio, en IKEA axudámoste a atopar as ideas e os produtos que precisas para construír a empresa dos teus soños.
Únete á Rede IKEA para Empresas de balde
Non importa se es autónomo/a ou responsable dunha empresa: queremos axudarche a facer medrar o teu negocio. Por ser do club, poderás beneficiarte de numerosas vantaxes:
- Recibe un cupón de desconto de ata 150€ cada dous meses, segundo o volume das túa compras
- Ofertas exclusivas cada mes
- Tarifa reducida no servizo de transporte
- Servizo de deseño de interiores a un prezo especial
- E moito máis...
Unha avaliación continua do espazo de traballo
Ter un lugar adecuado de estudo ou traballo é fundamental, pero son moitos os elementos que considerar, e, ás veces, custa decidirse. Por sorte, agora os nosos produtos emblemáticos, como ALEX ou KALLAX, teñen un prezo máis baixo. É o momento perfecto!
Só polo café, quedaba a vivir aquí
Non é só o produto ou servizo o que fai que o teu restaurante ou cafetaría sexa inesquecible. É un todo. En IKEA queremos traballar contigo para que a experiencia dos teus clientes sexa extrasensorial.
Deixa que o teu negocio entre polos seus cinco sentidos
Sabes que a túa comida é a mellor, o teu ambiente agradable e o servizo impecable. Pero aínda hai que ter en conta moitos detalles. Traballemos xuntos para que un simple café, unha cea familiar ou mesmo unha comida de negocios na túa cafetaría ou restaurante faga que se esquezan ata do tempo.
Consigue axuda especializada para planificar o teu espazo
IKEA ofrece un servizo integral de deseño de interiores para todas as túas necesidades empresariais. Así que, para todo o que precises, dende ideas de iluminación ata consellos de almacenaxe, ao noso equipo cualificado de deseño de interiores encantaralle axudarte.
Perdoa, posme outro, por favor?
Unha cafetaría precisa coidar infinidade de detalles para facer que os seus clientes estean o máis a gusto posible (e que repitan unha e outra vez). En IKEA temos todo o necesario para que non queiran marchar á súa casa. Agás á hora do peche, claro...
Personaliza a túa oficina con TROTTEN
Este sistema modular de mobiliario de oficina está pensado para adaptarse ás túas necesidades en cada momento. Xoga coas composicións que mellor encaixen co teu espazo e o teu xeito de traballar.
O sistema TROTTEN é o paquete completo
Un sistema modular que se adapta a calquera persoa e lugar. Escritorios, cadeiras, armarios, soportes para monitores e mesmo separadores de espazos: TROTTEN axudarache a superar a xornada.
Reduce o ruído, aumenta a concentración
Conversas sobre a fin de semana, unha charla rápida sobre a presentación de hoxe ou alguén almorzando na súa mesa. Todo forma parte do ritmo do lugar de traballo, pero ás veces convértese nunha distracción e non te podes concentrar. A nosa variedade de produtos acústicos MITTZON pode axudarche a crear un oasis de tranquilidade en medio dunha oficina atafegada.
As túas compras suman
Consigue ata 150€ de desconto para o teu negocio con este beneficio exclusivo da Rede IKEA para Empresas.
Unha alianza estratéxica nacional
IKEA e Lagoom Living, compañía con sede en Málaga, asinan un acordo baseado na accesibilidade, o deseño funcional e a busca de solucións para integrar o deseño e un modelo de vivenda de alugueiro accesible.
