Aposta por unha estrutura de cama GULLABERG para durmir con tranquilidade pola noite
A estrutura de cama GULLABERG conta cun deseño duradeiro e resistente que che permite descansar con comodidade noite tras noite. O seu estilo atemporal non pasa nunca de moda aínda que cambie o resto do cuarto. Combínao co colchón axeitado para gozar dunha comodidade aínda mellor. Se compartes a cama, elixe un colchón diferente en cada lado para que cada persoa poida durmir ao seu xeito.
Queda na túa zona de confort
Cama de noite, diván e sofá de día, e unidade de almacenaxe sempre que o precises. Grazas a un moble multifuncional como VIHALS, terás todo o que che fai falla para pasalo como nunca no teu propio espazo, por pequeno que poida ser. Pero lembra que cómpre saír da casa de cando en vez.
Tras décadas de soños
Levamos máis de 50 anos estudando o sono, polo que sabemos o que fai que un colchón sexa bo. Os nosos enxeñeiros do laboratorio de confort garanten que cada capa estea deseñada para ofrecer comodidade e suxeición, para que poidas espertar con enerxía. Ademais, grazas á ciencia, ás probas no mundo real e a unha garantía de 10 anos, podes relaxarte e centrarte en perseguir os teus soños.
Agora, é máis doado que a cama dos teus soños chegue ao teu fogar!
Melloramos a maioría dos nosos novos colchóns de resortes con base de madeira para aforrar espazo durante o transporte. Agora, introducimos a base do colchón nun paquete plano e levamos enrolados o colchón e o colchonciño; así, é máis sinxelo transportar todo ao teu fogar.
Recomendado para ti
Embárcate nunha viaxe de comodidade coa nosa excepcional gama de colchóns. Cada colchón foi creado pensando no descanso e garánteche unha combinación de comodidade e luxo que transformará as túas noites. Descubre a nosa selección, onde encontrarás desde colchóns firmes ata opcións suaves como unha nube: seguro que atoparás a solución perfecta para o teu santuario do descanso.
Que coidados necesita o meu colchón novo?
Para empezar, proba con estes consellos sinxelos. Dálle a volta ao colchón con frecuencia para asegurarte de que o desgaste sexa uniforme e que o colchón dure máis tempo. Merca roupa de cama de calidade para durmir mellor e protexer o colchón. E non esquezas ventilalo con frecuencia para así conservar o seu frescor e gozar dunha sensación agradable pola noite.
Como podo elixir o colchón perfecto para as miñas necesidades de descanso?
Elixir o colchón perfecto é algo moi persoal. Aí entran en xogo a postura á hora de durmir, o nivel de firmeza que prefires e calquera aspecto relacionado coa saúde. A nosa gama ofrece opcións de descanso para todo o mundo, tanto para aquelas persoas que optan por un soporte de colchón firme como para aqueloutras que prefiren un máis suave.