Saltar

Dispoñibilidade de artigos

Que artigos están dispoñibles? Compróbao antes da túa visita!

 

Para nós é importante que atopes os artigos dos que namoraches, así que traballamos para que poidas facelo facilmente e consultar a súa dispoñibilidade. Nesta páxina descubrirás como consultar as existencias dos nosos produtos e que facer se non hai dispoñibilidade ou se esta é baixa. 

 

Dispoñibilidade en IKEA | Como comprobar a dispoñibilidadeComo saber se un produto está dispoñible |

Que ocorre se un produto non está dispoñible?

Dispoñibilidade en IKEA

Actualizamos as nosas existencias cada vez que se vende un produto, cada poucos minutos, para que poidas comprar con confianza e teñas a mesma información que os nosos equipos IKEA. 

Isto tamén significa que a dispoñibilidade dos nosos artigos pode cambiar cada poucos minutos. Recomendámosche que comprobes sempre a dispoñiblidade do teu produto na nosa páxina web ou na aplicación IKEA antes de ir a unha das nosas tendas.

Aínda que non podemos realizar reservas dos produtos, e tampouco temos existencias extra dos artigos, faremos todo o posible para axudarche a completar o teu fogar.

Como comprobar a dispoñibilidade 

Queremos axudarche a atopar o que buscas, así que fixemos que sexa máis doado ver o que está dispoñible en calquera tenda IKEA ou na nosa tenda en liña:

  1.  Busca en IKEA.com/es o produto que queiras mercar. ​​
  2.  Selecciona a túa tenda preferida para comprobar a dispoñibilidade ou introduce o teu código postal para ver se o servizo de transporte está dispoñible na túa área.
  3. Se vas mercar desde a tenda, lembra revisar as existencias xusto antes de visitala.
  4. Se vas mercar en liña, engade os produtos ao carriño. Antes do pagamento poderás ver todas as opcións de entrega que temos á túa disposición.

Como saber se un produto está dispoñible

O noso semáforo de dispoñibilidade guiarache

  • Verde: o produto está dispoñible. 
  • Ámbar: a dispoñibilidade do produto é baixa, e cremos que se esgotará durante o día.
  • ​Vermello: o produto non está dispoñible.

 

Verde: lembra volver comprobalo xusto antes de saír cara as nosas tendas IKEA, xa que a dispoñibilidade de existencias podería cambiar durante o día.

Que facer se un produto ten pouca ou ningunha dispoñibilidade

  • Ámbar: o produto ten unha dispoñibilidade baixa na túa tenda preferida, e cremos que se esgotará durante o día. Queremos que consigas o que queres, polo que che suxerimos que o comprobes xusto antes de saír ou que probes o servizo Click & Collect.
  • Vermello: o teu artigo non está dispoñible coa forma de compra seleccionada, pero podes ver se o está con outra opción. Intenta comprobalo noutra tenda IKEA, en Click & Collect ou coa entrega a domicilio. Se ningunha desas opcións está dispoñible, sentímolo, pero o artigo esgotouse.

 

Recibe unha notificación cando volva estar dispoñible na túa tenda habitual

Quedaches con ganas de algo? Rexístrate para recibir notificacións sobre a volta de existencias, e enviaremos un correo electrónico ou unha mensaxe de texto cando estea dispoñible de novo. Podes atopar esta opción na maioría das páxinas de produtos, xunto con información (cando estea dispoñible) sobre cando esperamos que volva ter existencias. A túa solicitude de notificación estará activa durante 45 días. Se pasado ese prazo o artigo segue sen estar dispoñible, poderás volver facer a solicitude mediante os mesmos pasos.