Enche o teu fogar de ledicia

Como podes conseguir que o teu fogar sexa alegre e saudable?

No mundo actual, o benestar físico e mental son os piares esenciais para gozar dunha vida no fogar feliz, sa e satisfactoria. Pero que queremos dicir con "benestar" e "fogar saudable"? Por suposto, a resposta é moi subxectiva. Camiñar 10 000 pasos diarios, elixir unha dieta rica en vexetais, fixar descansos de 30 minutos ou encher as estancias de plantas... Todo depende das preferencias e eleccións persoais. Tamén, por suposto, dos cambios simples e accesibles que poden axudarnos a sentirnos verdadeiramente ben.

Es quen de redescubrir o poder do sentido do humor?

Aquelas persoas que opinan que xogar é cousa de cativos deberían pensalo de novo. Os pasatempos e as actividades creativas ou divertidas son ferramentas moi potentes tamén para as persoas adultas. Ademais de mellorar o noso benestar e axudarnos a atopar o equilibrio e a perspectiva nas nosas vidas, dedicar tempo ao que nos gusta ten un efecto positivo en como nos vemos, como enfocamos o futuro e como conectamos con outras persoas. É importante facerlles oco aos pequenos momentos que achegan un toque máxico ao día a día. 

Como podes plasmar a túa personalidade nun espazo?

Grazas á nosa investigación, aprendemos que gozamos máis dos nosos fogares cando reflicten como somos. Nunha época na que o mundo semella cada vez máis incerto, caro, obsesionado co aspecto físico e co que fan os demais, poden os nosos fogares converterse nun refuxio no que nos limitemos a existir? Atopar e crear un estilo propio consiste en darlles aos nosos espazos a liberdade de ser tan únicos como o somos as persoas, así como en descubrir a ledicia que achega realizar pequenas melloras que teñan un grande impacto.

Que maneiras de gozar de tempo de calidade se che ocorren?

Os momentos de conexión humana axúdannos a seguir adiante e encher os nosos días. Adoptar rituais sinxelos que fortalezan as relacións coa nosa contorna pode facer que a vida no fogar resulte máis satisfactoria, xa sexa organizando comidas, rindo a gargalladas coas túas amizades ou conectando con outras persoas ou contigo no teu fogar. A tecnoloxía tamén nos permite establecer esas conexións a distancia. O que importa é atopar maneiras sinxelas de gozar de momentos de proximidade e conexión cada día.