Ideas de agasallos infantís para o Nadal

Agasallos de toda a vida, pero aínda mellores 

IKEA e LEGO® unímonos para crear unha serie de xoguetes que, á súa vez, son solucións de almacenaxe e facilitan a vida tanto aos nenos como aos adultos. E cada produto, por menos de 20€!

As caixas BYGGLEK pódense unir a outras para integralas como parte dunha historia máis grande e divertida. O mellor de todo é que, cando chegue a hora de recoller, os pequerrechos non terán que desmontar nin gardar nada porque xa estará todo no seu sitio. Xogos e orde sen interrupcións!

Cociñando soños a lume baixo

Deixa que os pequenos chefs do fogar xoguen a seren grandes mestres da cociña. Coa nosa pequena cociña de xoguete SILLTRUT e os alimentos de peluche DUKTIG. É hora de que fagan realidade os seus soños e preparen os seus pratos como chefs profesionais.

Os xogos de imitación son moi importantes para aprenderen a desenvolver habilidades sociais, por iso, intentamos que todos os produtos desta serie teñan un aspecto o máis real posible.

Amigos para abrazalos sempre

As peluches nunca son suficientes, ou polo menos iso é o que nos demostran os pequerrechos. E que lles encanta poder ter diferentes amiguiños que os acompañen nos seus xogos e aventuras e mesmo que os protexan pola noite. Por iso, nesta listaxe de agasallos infantís para o Nadal non podía faltar unha bonita e suave peluche. Sempre están dispostas a xogar cos nenos e nenas, e desexando vivir grandes aventuras a carón deles.

Un oso panda, un golfiño e ata un polbo! Todos esperan acabar no seu dormitorio e pasalo xenial.   

Un encerado para potenciar a creatividade

Un cabalete como o noso MÅLA é o agasallo ideal para os artistas da familia e serve como apoio para repasar as cousas do colexio cando volvan á casa. Ademais de ser económico, este cabalete permite deixar voar a súa creatividade, e sen perigo de manchar a parede ou o chan!

Poderán elixir o estilo que queiran practicar grazas á súa dobre cara, unha é un encerado branco para pintar con rotuladores específicos e a outra é negra, adecuada para xices de cores. E pode completarse co noso rolo de papel de debuxo desta mesma serie para pintaren comodamente. Ao rematar, poden pregalo todo para que non ocupe espazo no dormitorio.

Viaxeiros ao tren!  

Non hai nada coma un divertido xogo para potenciaren a súa imaxinación e o pensamento lóxico. Se é unha apaixonada ou un apaixonado das minicidades e dos grandes transportes, este agasallo de Nadal, sen dúbida, vaille encantar.

A colección LILLABO permítelles construír ao seu gusto unha pequena poboación rodeada polas vías dun tren de madeira que avanza por túneles, atravesa un bosque frondoso e leva a todos os cidadáns a vivir grandes aventuras. Como ten diferentes apliques individuais, poderá agrandar cada vez máis o percorrido.  

O partido comezou

A actividade física axuda ao teu pequeno a desenvolver as habilidades motoras e a coordinación, ademais de crear un hábito saudable para toda a vida.

Con estas miniportarías, que serven tamén como espazo de almacenaxe, poderás botar un partido rápido cando queiras. Se se colocan de lado, caben en calquera recuncho e deixan espazo para facer outras cousas.

Un recuncho onde manda a imaxinación

Tenda para exploradores, foguete para astronautas e circo para artistas. As nosas tendas de xoguete son o lugar ideal para que os nenos e nenas entren nos seus mundos imaxinarios.