Cadeiras de escritorio e conferencia

Que cadeira de ordenador deberías mercar?

Se pasas moito tempo en fronte do ordenador, é moi importante que manteñas unha boa postura. Para evitar dores e mellorar a circulación do sangue, unha cadeira de ordenador debe ser ergonómica e cómoda, ademais de axustarse ás dimensións da túa mesa de ordenador. Ten en conta as seguintes funcionalidades para atopar a cadeira de ordenador perfecta.

Merco unha cadeira de escritorio con ou sen rodas?

Hoxe en día, as cadeiras de escritorio con rodas son moi comúns. Permítenche moverte sen problemas, mesmo sen erguerte. Non obstante, se o escritorio está nunha plataforma ou nun chan irregular, unha cadeira de oficina sen rodas sería a mellor opción.

Merco unha cadeira de escritorio con ou sen repousabrazos?

Se tes pensado utilizala durante varias horas ao día, unha cadeira con repousabrazos permíteche gozar dunha maior comodidade a longo prazo. É importante que os repousabrazos teñan o axuste axeitado. Deberían deixarche apoiar os brazos de xeito que os cóbados descansen normalmente cos ombros relaxados.

Unha cadeira de escritorio ergonómica sen repousabrazos quizais sexa a mellor opción se o que queres é unha cadeira de ordenador máis flexible e lixeira. Os repousabrazos poden resultar incómodos se impiden que a cadeira pase por debaixo do escritorio. As cadeiras sen repousabrazos axústanse a unha maior variedade de escritorios.

Como axustar a túa cadeira de escritorio

Unha vez que teñas a túa nova cadeira de escritorio, terás que regulala para gozar da máxima comodidade. Deixámosche aquí unha guía paso a paso para axustar a cadeira de ordenador de modo que a túa postura sexa mellor e máis cómoda.

Lembra que non todas as cadeiras de escritorio IKEA poden regularse do xeito que se describe a continuación. Consulta a descrición do produto para saber como podes axustar a cadeira.

1. Regula o asento
   Deberías poder sentar tan lonxe como sexa posible, coas costas apoiadas firmemente no respaldo. Preferiblemente ten que haber un espazo de tres dedos entre o bordo da cadeira e as sofraxes. Se non é así, escorrega o asento para axustalo.
   
   
2. Regula a altura
   Os repousabrazos deberían quedar na mesma altura ca o escritorio. Se a cadeira non ten repousabrazos, utiliza os brazos como guía. Ao apoiar os brazos e os cóbados no escritorio, deberían descansar no seu ángulo natural.
   
   
3. Regula o respaldo
   Cando sentes en fronte do escritorio, tenta facelo nunha posición recta durante o máximo tempo posible. Podes reclinar o respaldo cando queiras poñerte nunha postura máis relaxada. É boa idea cambiar de postura de cando en vez para evitar que se che canse calquera parte do corpo.