LOBERGET / SIBBEN Cadeira escritorio neno, branco

O plástico obtense principalmente a partir do gas e do petróleo, que son fontes fósiles non renovables. Estas fontes enerxéticas non se reproducen, polo que se irán esgotando progresivamente. A nosa ambición é que, para 2030, todos os plásticos utilizados nos nosos produtos proveñan de materiais renovables ou reciclados. O plástico renovable está feito de materiais como o aceite vexetal, o millo, grans de trigo e cana de azucre. O plástico reciclado permítenos darlle unha segunda vida a produtos non biodegradables como as botellas PET que, doutro xeito, acabarían en plantas de tratamento de residuos. Utilizar fontes reciclables tamén reduce a nosa dependencia do petróleo. Actualmente, máis do 40% dos nosos produtos de plástico proveñen de materiais renovables e reciclados, aínda que o noso obxectivo é chegar ao 100%. Agardamos deste xeito servir de inspiración a outras empresas.

Os plásticos dun só uso contaminan os ecosistemas se non se tratan de maneira responsable. Como parte do noso compromiso coas persoas e o planeta, en 2020 retiramos todos os produtos de plástico dun só uso que incluía a nosa gama de utensilios domésticos. É dicir, todos os pratos, cuncas e pallas de plástico que ofreciamos nos nosos restaurantes, bistrós e cafeterías. No seu lugar, utilizamos produtos provenientes de fontes 100% renovables.

O tereftalato de polietileno (PET) e o polipropileno (PP) son plásticos duradeiros, hixiénicos e resistentes aos impactos. Absorben moi pouca auga e ofrecen unha boa resistencia química. O PET e o PP son plásticos reutilizables e reciclables, o que permite reducir os refugallos. O plástico PET é o máis reciclado do mundo e é utilizado en infinidade de aplicacións, desde botellas de plástico ata contedores e paquetes para gardar a comida e a bebida, pasando por produtos para a hixiene persoal, produtos farmacéuticos e moitos outros bens de consumo. En IKEA utilizamos o PET principalmente en caixas, materiais de recheo para tecidos e frontes de cociña. O PET goza do visto bo das axencias de saúde, polo que encontrarás moitos paquetes para gardar comida e bebida feitos de PET. IKEA utiliza PET reciclado proveniente de botellas.

IKEA toma moi a serio a seguridade dos produtos, é por iso que nos aseguramos que pasan as probas máis rigorosas e se axustan ás normativas e estándares de seguridade de todos os países nos que operamos. A nosa clientela sabe que pode utilizar de forma segura calquera produto mercado en IKEA. IKEA quere minimizar ou evitar totalmente o uso de produtos químicos e substancias que poidan ser perniciosas para as persoas e o medio ambiente.

É posible que o proceso que iniciamos para utilizar só plásticos reciclados ou renovables leve un tempo e esixa novas formas de facer as cousas, pero comprometémonos a encontrar solucións novas. Queremos que a nosa clientela teña a posibilidade de escoller produtos feitos de materiais sostibles e que algún día se poidan reciclar. Xuntos podemos marcar a diferenza!