Aquí é onde atoparás as nosas bandexas ou fontes en todo tipo de formas, tamaños e estilos. Sonche cómodas para poñer a mesa, almorzar na cama ou para cando queres té e pastas mentres les un libro. O mellor de todo: son perfectas para levar bebidas frías á terraza ou a outra parte da casa.
Ordenar e filtrar
Lista de resultados
Edición limitada
O máis vendido
O máis vendido
Amosando 24 de 33 resultados
Mostrar máisRecomendado para ti
Bandexas que non só se utilizan para a comida
Talvez non pareza gran cousa, mais ter á man unha bandexa no momento certo pode solucionar o día. Tanto para servir o almorzo na cama como para repartir alimentos nunha festa ou crear un recuncho para gardar distintos obxectos, as nosas bandexas fan que calquera mesa sexa máis fermosa e funcional. Grazas á ampla variedade de materiais, cores e formas enxeñosas, hai unha (ou varias) para cada cuarto e ocasión.
Que tipos de bandexas existen e como escollo a adecuada?
Non todas as bandexas son iguais: algunhas están pensadas para movelas; outras, para deixalas quietas, e un terceiro grupo, para xirar. En función do que precises, vas encontrar:
- Bandexas con asas para transportalas facilmente: desde a cociña até o xardín e desde o sofá á mesa auxiliar.
- Bandexas xiratorias para compartir comida facilmente: ideais para condimentos, tapas ou mollos.
- Bandexas de madeira que tamén decoran cando non se utilizan: colócaas sobre un puf ou nun banco para crear unha mesa improvisada no intre.
Cada unha ten unha forma e un tamaño coidadosamente pensados para facilitar o día a día, desde petiscos individuais até comidas familiares completas.
Que materiais e cores hai dispoñibles?
As nosas bandexas están dispoñibles nunha ampla variedade de tonalidades naturais e neutras, deseñadas para combinar ou destacar, segundo prefiras:
- Bandexa de bambú: lixeira, de tonalidades cálidas e de orixe sostible, perfecta para crear unha atmosfera relaxante, semellante á dun spa.
- Bandexa de bidueiro: cunha cor suave e un estilo escandinavo auténtico, combina case con calquera ambiente.
- Bandexa de nogueira: nunha tonalidade intensa e escura, transmite profundidade e dálles un toque acolledor aos espazos máis tradicionais ou rústicos.
- Bandexa gris: elegante, sobria e contemporánea, fácil de combinar e moi práctica.
Cada acabado ten unha personalidade de seu, polo que seguro que dás cunha bandexa que se adapte aos teus gustos, quer os contrastes atrevidos, quer o minimalismo suave.
Como podo organizar e enfeitar a miña casa con bandexas?
Ademais de axudar a servir comidas, as bandexas son excelentes organizadores. Agrupan a desorde en conxuntos ordenados e integran os obxectos cotiáns na decoración:
- Utiliza unha bandexa para crear un recuncho sofisticado onde pousar as chaves, as carteiras e os anteollos de sol.
- Crea unha zona para o té con cuncas, botes e culleres nunha bandexa xiratoria.
- Coloca unha bandexa de madeira no lavabo do baño para os xabóns e locións, ao estilo dun hotel de luxo.
Son tan fáciles de mover e de limpar que te conquistarán: eses pequenos detalles que marcan unha gran diferenza na estética e funcionalidade do teu fogar.