Ensaladeiras, sopeiras e fontes de servir

Utensilios para servir os pratos con estilo

A ledicia de compartir unha comida non depende só do que hai no menú, senón de como se serve. A nosa colección de utensilios para servir está pensada para converter as comidas do día a día en algo un pouco máis especial, tanto se se trata dunha comida rápida cun amigo como dun auténtico festín de domingo. Estas pezas, con deseños que equilibran beleza e funcionalidade, axudan a crear unha escena relaxada, acolledora e perfecta para gozar á hora de comer. 

Que tipos de utensilios para servir debería ter en conta?

Tanto se se trata de grandes comidas familiares como de ceas a soas, os utensilios para servir axeitados fan que todo sexa máis sinxelo e ameno. Os cuncos son ideais para servir ensaladas, pasta ou guarnicións, mentres que as bandexas son útiles para transportar bebidas, almorzos ou aperitivos con confianza (e sen derramar nada). Hai fontes espectaculares para servir os pratos principais, xerras para a auga ou o ponche, e soportes para tortas que darán ás túas sobremesas favoritas a atención que merecen. Tanto se buscas utensilios para servir que combinen como se prefires mesturar varios estilos, hai algo que se adapta a toda as mesas e gustos. 

Como podo elixir os utensilios para servir que vaian mellor co meu fogar e o meu estilo de vida?

Pensa en como e onde adoitas comer. Se tes a costume de cear na mesa, as pezas lixeiras e amontoables son ideais para o día a día e poden gardarse doadamente. Adoitas recibir visitas? Aposta por opcións máis grandes e decorativas que queden tan ben cheas de comida como baleiras e colocadas nun andel. Se che gusta comer de maneira máis informal (por exemplo, no sofá ou no xardín), as bandexas con bordos elevados e agarre fácil son as túas mellores aliadas. Os materiais tamén son importantes: a cerámica e o vidro teñen un aire clásico e elegante, mentres que a melamina e o metal son resistentes dabondo para soportar as comidas ao aire libre e aos comensais máis torpes. 

Que vantaxes ten elixir utensilios para servir que combinen?

Cando todo o que hai na mesa está no seu sitio, as comidas resultan máis tranquilas, acolledoras e coidadas, aínda que só sirvas sopa e sándwichs. Os utensilios para servir que combinan intégranse á perfección no resto da cociña ou o comedor, e facilitan a transición entre preparar, servir e presentar. Dito isto, tampouco é necesario que merques todo á vez. Ás veces, chega con renovar uns poucos elementos clave, como unha nova fonte ou esa bandexa que sempre pensas en cambiar, para darlles un novo aire ás túas comidas e ceas.