Impacto social
Tomámonos moi en serio a nosa responsabilidade nas comunidades locais nas que estamos presentes. Adoptamos varias medidas para priorizar as persoas, dende apoiar a igualdade e a inclusión do colectivo LGBT+ ata colaborar con proxectos de emprendemento social e aplicar os nosos estándares de abastecemento IWAY.
Inclusión do colectivo LGBT+
O fogar pode ser a base para desenvolver a autoconfianza, a felicidade e o sentido de pertenza, especialmente para as persoas da comunidade LGBT+. Cando a aceptación e a inclusión xeran igualdade de oportunidades para todas as persoas, independentemente da súa identidade e orientación sexual, estamos todos mellor. Xuntos.
Traballar con emprendedores sociais
Estamos aí para os emprendedores sociais a través do apoio financeiro, o acceso ás competencias dos/as colaboradores/as de IKEA, programas de mellora e oportunidades de colaboración. Deste xeito, creamos postos de traballo e posibilidades de obter ingresos (por exemplo, para pequenos agricultores, artesáns, migrantes, refuxiados e persoas encargadas de xestionar residuos).
Traballamos con provedores que cumpren os nosos estándares
IWAY, o noso código de conduta obrigatorio, establece uns estándares claros no tocante ás condicións de traballo, os dereitos humanos, as prácticas medioambientais e o benestar animal para os nosos provedores de materiais e servizos. Temos unha política de tolerancia cero co traballo infantil e forzoso, e traballamos cos provedores para mellorar os estándares en materia de salarios xustos e contratación responsable, todo grazas a relacións a longo prazo baseadas no diálogo e a colaboración.
Un pequeno mantel individual que marca unha gran diferenza
Feito de xacinto de auga vietnamita, o mantel individual SOARÉ pode parecer sinxelo. Con todo, tamén mantén transitables as vías fluviais locais, axuda a preservar a artesanía tradicional e ofrece aos tecedores un diñeiro extra.
Mellora das condicións de traballo no mundo do tecido á man
Cos nosos provedores de Bengala e a India, substituímos os acordos informais para a confección de alfombras por centros de tecido regulados que cumpren co código de conduta IWAY de IKEA. Alí, as persoas que se dedican a tecer teñen máis oportunidades de desenvolver habilidades artesanais e obter uns ingresos de xeito acorde coa lexislación e cos requirimentos de IWAY.
