Saltar

Peras cocidas lentamente en té Earl Grey

Esta deliciosa sobremesa conxuga con elegancia a dozura das peras e o amargor do té. O mascarpone e a crema fresca danlle a untuosidade axeitada.

Unha porción de peras cocidas en té Earl Grey servidas nun prato branco sobre unha mesa de madeira rústica, cun garfo nun lado.
Unha porción de peras cocidas en té Earl Grey servidas nun prato branco sobre unha mesa de madeira rústica, cun garfo nun lado.

Ingredientes:

Racións: 4-6 Tempo: 35-40 min

3 peras (de Anjou ou conferencia)
3 bolsiñas de té Earl Grey EGENTID
3 culleradas de azucre
1 dl de mascarpone
1 dl de crema fresca
4 culleradas de pistachos cortados moi finos
Mel

Pasos:

  1. Pelar as peras cun pelador de patacas e cortar ao longo en toradas de aproximadamente 2 cm de grosor (dá como para 4 toradas).
  2. Pór as bolsiñas de té nunha pota de 1 1/2 a 2 litros e engadir 6 dl de auga e mailo azucre. Ferver; a continuación, retirar do lume e deixar repousar 4 minutos.
  3. Quitar as bolsas de té. Volver colocar a pota no lume e deixar cocer lentamente a intensidade media. Engadir a pera e tapar. Deixar ferver lentamente entre 15 e 20 minutos.
  4. Mesturar o mascarpone coa crema fresca. Cando as peras estean brandas, retiralas da pota. Poñer sobre cada un dos anacos unha cullerada da mestura de mascarpone e crema fresca, unha boa cullerada do almibre da cocción e unhas pingas de mel. Botar por riba anaquiños de pistacho. Servir as rodas de pera quentes.

NOTA: Se te queres dar un capricho para almorzar, garda as peras que sobren nun recipiente na neveira toda a noite. Dá boa conta delas pola mañá acompañadas de iogur e granola.