Oito xeitos sinxelos de sacar o máximo partido ás camas infantís en cuartos pequenos

Os cuartos dos nenos adoitan ser pequenos, igual que eles. Este é o motivo polo que ofrecemos un gran número de camas que son tan flexibles e intelixentes como os máis pequenos. Camas con capacidade de almacenaxe, liteiras, camas altas ou camas extensibles que medran ao mesmo ritmo que os nenos. Hai unha cama para cada cuarto ou preferencia, e felices soños para cada neno e amiguiño de peluche.

Esquina dunha cama infantil con roupa de cama SKOGSDUVA e londras de peluche e a peluche FABLER BJÖRN arroupadas dentro dela.

O aforro do espazo é unha calidade que se vai desenvolvendo

Por que usar un tamaño estándar para alguén que mide tres veces menos? Ou por que comprar unha cama pequena para alguén que medra tan rápido? Por que non unha cama extensible que creza ao mesmo ritmo? Cando o teu pequeno medre máis que a cama, xa non será un neno.

Cama infantil extensible MINNEN nunha esquina do cuarto con caixas de almacenaxe numeradas e peluches enriba.

Vista dun cuarto infantil de día con xoguetes por todas as partes, dúas camas de fondo e unha solución de almacenaxe VITBJÖRN en primeiro plano.

Un confort extra aos pés da cama?

Evidentemente, esta cama extensible infantil é cómoda en todo o longo, pero cando se estende a estrutura, tamén o fai o colchón. Á hora de descansar, o confort é tan importante para os nenos como para os adultos, polo que deberás asegurarte de que todos os membros da familia elixan a súa roupa de cama, almofadas e compañeiros de peluche favoritos.

Velaquí todos os colchóns infantís

Esquina dun cuarto infantil cunha cama extensible SUNDVIK, unha cama de xoguete DUKTIG e algúns xoguetes preto polo chan.

Primeiro plano dunha cama extensible SUNDVIK na que se ve a extensión do colchón e roupa de cama SKOGSDUVA dobrada ao lado.

Velaquí todos os colchóns infantís

Necesitas máis almacenaxe? Durme enriba!

Nun cuarto pequeno, non podes deixar que o valioso espazo de debaixo da cama sirva para pouco máis que para amontoar peluxe. Coa estrutura de cama SLÄKT, aproveitarás ao máximo cada centímetro baixo a cama. Ten catro caixóns grandes e dous andeis que tamén serven perfectamente como mesa de noite ou libraría para os contos. Esta cama é todo un soño feito realidade se andas na procura de solucións intelixentes de almacenaxe e aforro de espazo.

Velaquí todas as camas infantís

Estrutura de cama SLÄKT con espazo de almacenaxe nun recanto dun cuarto con paredes cor azul clara e unha alfombra azul no chan xunto á cama.

Velaquí todas as camas infantís

A multifuncionalidade segundo os nenos e os pais:

Na imaxinación dun neno, nada é o que semella. Unha cama pode ser unha nave espacial, un xardín baixo o ceo estrelado ou unha tenda de campaña durante unha ruta chea de aventuras coas peluches. Para os pais, funciona practicamente do mesmo xeito: é evidentemente unha cama, pero tamén ofrece un espazo de almacenaxe flexible debaixo e un dosel enriba para durmir placidamente.

Esquina dun cuarto infantil cunha estrutura de cama SLÄKT con almacenaxe debaixo e un dosel enriba. As paredes, as cortinas e a roupa de cama son de cor azul.

Primeiro plano dende arriba dun caixón baixo unha cama aberto para amosar os xoguetes que hai dentro. Hai unha alfombra AFTONSPARV azul no chan.

Compartir é coidar: todo o que debes saber sobre o teu propio espazo íntimo.

As persoas mostramos a nosa personalidade cando estamos espertas, non cando durmimos. Por iso, á hora de compartir un cuarto, deberás asegurarte de que usas o menor espazo posible para durmir. Deste xeito, poderás aproveitar o resto do cuarto para as cousas que reflicten realmente quen es. Como extra, tamén será moi doado personalizar a túa parte da liteira.

Velaquí máis deste cuarto

Liteira TUFFING con vista do cuarto por detrás e roupa de cama de cor verde na cama de abaixo e de cor morada na de arriba.

Vista dende arriba dun cuarto infantil compartido cunha liteira no centro, dous escritorios, armarios e estantes.

Velaquí máis deste cuarto

Unha cama, dous mundos

Podería ser simplemente unha liteira, pero con dous niveis tamén hai espazo para dúas historias totalmente distintas. Á parte da roupa de cama e as peluches favoritas, as paredes son o lugar perfecto para amosar as dúas personalidades e intereses. A liteira MYDAL é unha solución clara para uns irmáns que comparten cuarto, pero tamén vai xenial para as amizades que quedan a durmir ou simplemente polo luxo de escoller o agocho que encaixa mellor co estado de ánimo desta noite.

Neno subindo á parte de arriba dunha liteira MYDAL. As dúas camas teñen adornos, andeis e roupa de cama diferentes.

Mellora a calidade do sono e deixa espazo para a vida debaixo

Ter unha cama de tamaño estándar nun cuarto sen ocupar máis que uns cantos centímetros cadrados é case un truco de maxia. O único que debes preguntarte é para que queres usar ese espazo extra. Un sofá cómodo, un despacho, un ximnasio privado ou o teu propio estudio creativo? A cama alta VITVAL ofréceche o espazo, ti elixes para que o queres.

Velaquí máis deste cuarto

Primeiro plano do taboleiro superior dun escritorio VITVAL branco con moitos lapis, lapis de cores e obxectos de entretemento enriba e cadeira de escritorio verde clara.

Cama alta VITVAL cun cómodo sofá pequeno e unha lámpada de lectura debaixo, unha cadeira de brazos ao lado, xoguetes e roupa por todas as partes.

Velaquí máis deste cuarto

Como dormen as londras?

Mellor que nunca, sobre todo cando están arroupadas dentro da cama despois dun longo día de xogo. É probable que durman rapidamente, antes de que remates de ler o conto. Cun pouco de sorte, inspirarán a certo pequeno a facer o mesmo... Que teñades todos felices soños!