Un cuarto futurista ideal que tamén funciona no mundo real

Este é un cuarto divertido, cunha paleta de cores para soñar, inspirado nos mundos dixitais e os videoxogos. Unha cama alta e un arco que creamos cortando cortinas finas dividen a estancia en diferentes zonas. O cuarto ten un toque de fantasía, pero é completamente funcional para durmir, estudar, relaxarse cos amigos e as amigas, e moito máis.

Unha cama alta VITVAL con escritorio ao lado dunha combinación de almacenaxe SMÅSTAD/PLATSA cun banco nun cuarto infantil.

Almacenaxe para soñar que dura anos

Esta almacenaxe dura anos e tamén crea un espazo de lectura cómodo grazas ao coxín do banco. O armario conta con accesorios para o interior que podes mover a media que medra o pequerrecho. Mesmo ten profundidade dabondo para pendurar perchas para roupa de persoas adultas. As cores das portas e as perchas intensifican o toque fantástico do cuarto. Tamén podes mercar outras novas para actualizar o estilo. Os espellos son prácticos para probar roupa e forman parte da decoración, xa que reflicten a luz e as cores.

Velaquí o sistema SMÅSTAD

Unha combinación de almacenaxe SMÅSTAD/PLATSA con banco colocada xunto dunha parede na que hai cinco espellos BLÅSER e unha lámpada de parede.

Velaquí o sistema SMÅSTAD

Dámosche a benvida á zona de estudo

A cama alta crea un recuncho acolledor debaixo e deixa espazo dispoñible no chan para colocar un escritorio e unha cadeira. Hai dous carriños, un para o material escolar e outro para os pasatempos. Son doados de apartar cando non se precisan.

Velaquí todas as liteiras e camas altas

Un carriño ÖVNING colocado parcialmente debaixo dunha cama alta VITVAL cun escritorio preto e unha cadeira xiratoria ELDBERGET/MALSKÄR.

Andeis para fotos MELLÖSA sostendo un altofalante Bluetooth VAPPEBY e varios xoguetes, fixados a unha parede sobre dous carriños ÖVNING.

Velaquí todas as liteiras e camas altas

Unha idea brillante para expoñer

Colocar extraterrestres de peluche mais un ou dous astronautas en andeis para fotos axuda a potenciar o toque fantástico do cuarto. Unhas luces LED debaixo fan máis dinámica e divertida a exposición, e permítenche modificar o ambiente só con cambiar a cor da luz. Estes andeis son transparentes, de modo que a luz pasa a través deles como se non estivesen. Que medo!

Catro andeis para fotos MELLÖSA transparentes nunha parede sostendo un altofalante Bluetooth VAPPEBY e xoguetes, incluídos peluches AFTONSPARV.

Un mundo propio e acolledor

Para os nenos e nenas, o seu cuarto adoita ser o lugar onde poden somerxerse nun pasatempo ou transportarse ao mundo da súa imaxinación cun libro ou un xogo. Cun coxín ou dous, unha manta e un puf/colchón estendido podes crear un pequeno espazo cómodo cun estilo persoal que convide a facelo.

Unha nena está sentada nun puf/colchón no chan tocando un instrumento, lendo un libro e vendo un vídeo nunha tableta.

Comodidade acolledora cun toque persoal

Os pequenos detalles, como un coxín de cores ou unha alfombra, poden crear un espazo máis cómodo e acolledor, ademais de achegar un toque máis persoal. Outra vantaxe é que son doados de cambiar a medida que medra o teu pícaro.

Velaquí todos os téxtiles infantís

Saltar a listaxe

Coxín redondo verde azul BLÅVINGAD, brillante con liñas negras, poliéster reciclado.

A zona de relax

Ao pasar por debaixo do arco, éntrase a outra zona diferente. É perfecta para pasar tempo con amigos e amigas, xa que ten pufs cómodos que se poden estender para convertelos en colchóns, unha opción moi práctica para as festas de pixamas. Tamén conta cunha almacenaxe ordenada con caixóns, carriños extraíbles e cestas. Ademais, inclúe algúns mobles pequenos para que os extraterrestres tamén saian a pasalo ben.

Almacenaxe TROFAST nunha esquina dun cuarto infantil a carón dun carriño ÖVNING e tres pufs/colchóns SLÄKT pregables.

Un conxunto de mobles para sala de estar de bonecas HUSET colocado sobre un puf/colchón SLÄKT pregable diante de máis almacenaxe TROFAST.

Un cuarto máxico moi realista

A mestura de cores pasteis e intensas, a iluminación dramática, e mais os extraterrestres e astronautas observando dende as alturas achegan a este cuarto un toque fantástico. Porén, tamén resulta moi práctico grazas a toda a almacenaxe, a cama alta que axuda a aforrar espazo cun escritorio debaixo, e á cómoda zona de lecer. Os soños, así como os cuartos máxicos, poden facerse realidade