O meu primeiro cuarto!

Hai lámpadas de noite de moitas formas diferentes, e a maioría pódense cambiar de sitio con facilidade. Unha noite, podes colocalas no peitoril da fiestra; outras, poden observalo todo dende debaixo da cama. Para os máis pequechos, ás veces é máis práctico colocar un tallo como MAMMUT xunto á cama que unha mesa de noite. Viralles moi ben tanto de día como de noite, con ou sen a axuda da marioneta NATTHÄGER.

O módulo de almacenaxe TROFAST é fantástico para o cuarto dos máis pequechos, xa que é fácil de organizar e as caixas con xoguetes poden levarse a calquera recanto ou estancia. A altura deste módulo convérteo tamén nun sitio perfecto para debuxar, xogar ou construír calquera cousa cos bloques de xoguete. O mellor de todo é que TROFAST non perderá o seu encanto nin a súa funcionalidade cando os máis pequechos medren e comecen a ir ao cole, nin cando pasen a ser adolescentes. Nese momento, as caixas de plástico poderán substituírse por cestas de malla, que achegan un aspecto máis maduro. A pesar disto, seguirá sendo moi sinxelo ordenar as cousas.

O xogo é a mellor maneira de explorar o mundo e desenvolver habilidades, así que todo o cuarto debe formar parte desta emocionante viaxe. Falando de viaxes...tanto a cama como as solucións de almacenaxe viñeron para quedar moitos anos. Uns pequenos axustes poden dar lugar a grandes cambios, do mesmo xeito que ocorre cos máis pequechos, que non paran de medrar, aínda que o fagan pouco a pouco. Antes de que te deas de conta, serán máis altos e máis intelixentes ca ti.