SPJUTBO Forno de convección, función grella negro/IKEA 300

A porta do forno cumpría todos os requisitos de seguridade e a temperatura exterior era mesmo inferior á esixida pola normativa europea. Porén, Indumathi asegurouse de que o laboratorio de probas examinase a porta con atención. É posible que presentase algún defecto ou problema? "Non, todo estaba ben. O que pasa é que os e as nenas pequenas teñen menos reflexos cós adultos e non sempre reaccionan á calor coa mesma rapidez. Por iso o neno mantivo as mans pousadas no cristal durante tanto tempo". O accidente semellaba ser un suceso illado, pero o equipo quixo reducir a temperatura que podía atanguer o exterior das portas dos fornos.

Coa axuda dos nosos fornecedores, solucionamos o problema aumentando o número de camadas de vidro, utilizando un revestimento que illase mellor a calor e, nalgúns casos, engrosando o cristal. "Deste xeito, demos reducido a temperatura ata cumprir cos nosos novos e máis estritos requisitos. Mais tamén fixo que tivésemos que redeseñar e actualizar os fornos da nosa gama". Non foi difícil convencer a todas as persoas implicadas en que isto era o correcto. "Foi estupendo investir tempo e recursos en minimizar o risco de accidentes que poidan sufrir os e as nenas máis curiosos. Agora a cociña é un lugar máis seguro para todo o mundo, sen custo adicional para ti, como cliente".