Saltar
GL ESgalego

Cinco ideas para decorar as paredes do cuarto dun hotel

Queres realzar o estilo do teu hotel? Aproveita as paredes para transmitir todo o que queiras. Tanto se empezas de cero (coas paredes completamente espidas) como se tes previsto levar a cabo unha reforma sobre unha base xa existente, estas ideas para decorar as paredes dos cuartos dun hotel son como o servizo de habitacións: poderás recorrer a elas cando o necesites.

Uns ganchos JORDMÅNEN con forma ondulada en gris verdoso escuro dos que penduran unhas toallas de praia e mais un equipo de mergullo, ao lado dun cadro nunha parede, detrás dunha cama de hotel perfectamente feita.

1. Realza a cama

Os clientes queren durmir ben. Se queres que a cama do teu hotel cumpra as expectativas dos clientes, cédelle todo o protagonismo. Para dirixir a atención cara a ela, utiliza unha cabeceira, e se pode ser tapizada, mellor. Tamén podes poñer uns cadros (por parellas, aliñados ou en forma de galería), unhas lámpadas simétricas, unha alfombra tipo tapiz ou varios obxectos decorativos para darlle máis presencia á cama.

Velaquí toda a decoración de parede
Unha estrutura de cama tapizada TÄRNKULLEN en beixe realza a beleza dunha cama de hotel acabada de facer debaixo dun cadro de cebras, situada ao lado dunha mesa de noite.
Parede dun cuarto de estilo bohemio cunha alfombra BANKKONTOR de la tecida á man de cor beixe cun motivo ondulado pendurada enriba dunha cama e varios coxíns.
Unha cama con roupa de cama de cores e varios cadros de estilo moderno na parede por enriba; os cadros utilizan os marcos RÖDALM de cor branca.
Cuarto dun hotel espazoso e de estilo de praia, coas paredes en beixe e verde azulado claro, e unha estrutura de cama TONSTAD de cor óso en metade do cuarto.
Varios adornos de parede GILLSTAD de forma circular de xunco tecido á man colocados na parede por enriba dunha cama tapizada.
Velaquí toda a decoración de parede

2. Que non falte a luz

Aos clientes encantaralles ter varias opcións á súa disposición, sobre todo se falamos de lámpadas e luces. As lámpadas de parede son fundamentais á hora de decorar a parede do cuarto dun hotel, pero normalmente non se lles presta a debida atención.

Cede aos clientes o control do seu confort
Pon á súa disposición varios tipos de lámpadas e luces. Unha boa opción é colocar algún tipo de solución de iluminación intelixente regulable ou con control remoto. Tamén podes colocar unhas fitas de iluminación, que adoitan ser discretas e, ao mesmo tempo, moi útiles.

Analiza o efecto que teñen as lámpadas sobre o estilo do cuarto
As lámpadas realzan o estilo (moderno, tradicional, industrial, rústico etc.) mesmo cando están apagadas. Algunhas, como as SOLKLINT, sorprenden cando se acenden.

Velaquí todas as lámpadas de parede
Unha lámpada de parede SOLKLINT acesa cun gancho xiratorio de tres brazos KÄMPIG de latón na parede que hai debaixo, e roupa pendurada á dereita.
Velaquí todas as lámpadas de parede

3. Non esquezas os espellos

Os clientes sempre queren estar radiantes e sentirse ben, independentemente de se viaxan por negocios ou por lecer. Os espellos fan que os cuartos semellen máis grandes e luminosos. Non pode faltar un espello de corpo enteiro. Tamén é práctico colocar un espello ben iluminado, a poder ser fóra do baño, ao lado dunha mesa ou un escritorio, para que os clientes poidan botarse unha última ollada antes de saír.

Velaquí todos os espellos
Debaixo dunha lámpada de parede acesa hai un espello LINDBYN cun marco dourado e a parte superior redondeada; no espello pode verse parte dunha cama de hotel.
Unha lámpada LED de parede con espello VARMBLIXT redonda de cor bronce pendurada enriba dun armario con varios adornos e unha lámpada altofalante enriba.
Un colgadoiro EKRAR branco con varias pezas de roupa a carón dunha ventá cunha cortina ROSENROBINIA translúcida branca.
Un escritorio TONSTAD de cor óso cunha cadeira KRYLBO en beixe escuro diante; enriba dun escritorio hai un floreiro con flores e unha lámpada de traballo NYMÅNE de cor branca.
Catro espellos BLODLÖNN cadrados flanqueados por dúas lámpadas de parede verticais enriba dun toucador de cor branca.
Velaquí todos os espellos

4. Ofrece solucións prácticas e sinxelas de almacenaxe

Os clientes adoitan fixarse en todos os detalles, sobre todo se resultan especialmente prácticos, e saben aprecialos. Aprovéitao. Un adorno na parede dun hotel tamén pode ser un lugar práctico para pendurar un calzador, unha bata, o cartel da porta ou o que queiras. Dispoñemos de ganchos e colgadoiros de todos os materiais, estilos e deseños, así que elixe o que máis che conveña.

Un pano cun estampado animal pendurado dun colgadoiro xiratorio de tres brazos KÄMPIG de cor latón montado nunha parede de cor azul clara ao lado dunha cama.
Dous albornoces BJÄLVEN de textura gofrada pendurados de colgadoiros HÖVOLM nun cuarto de hotel con armarios EKET en azul/gris claro.

5. Reforza a túa imaxe

Os clientes lembrarán o teu establecemento e recomendarano con moita máis probabilidade se deixas unha pegada neles. Mesmo as ideas máis insignificantes para decorar as paredes do teu hotel poder reforzar a identidade do teu establecemento. Fai o que se che ocorra (como colocar os espellos dunha maneira inusitada), pero tenta que sexa doado de facer e de manter, e que axude a mellorar a experiencia.

Catro espellos MARISTOVA de forma triangular e ondulada con marcos de ratán, colocados de maneira distinta, crean unha forma ova nunha parede azul.

Antes de mercar

Estas solucións conteñen unha mestura de artigos deseñados para un uso doméstico e non doméstico. Comproba que as túas compras cumpren as normativas e son axeitadas para o uso previsto na túa zona. Ponte en contacto con IKEA para Empresas para obter máis información sobre a gama.

Queres máis ideas ou consellos para decorar as paredes do teu hotel?

Unha cama cunhas fundas nórdica e de almofada MYGGLASVINGE cun motivo de follas enriba; a cama está contra unha parede baixa nun cuarto de hotel moi luminoso.
Explora a nosa galería de ideas de deseño de interiores para empresas

Cóntanos a túa experiencia!