Condicións xerais de contratación do servizo de asesoramento a domicilio

Estas condicións xerais son aplicables ao servizo de asesoramento personalizado en domicilio para a compra de cociñas, salóns ou dormitorios, así como para a compra deles no domicilio dos clientes. IKEA informa que este servizo está dirixido a aqueles clientes que destinen os artigos IKEA a un uso doméstico e, en todo caso, de forma completamente allea ao seu negocio e actividade profesional.

1. DATOS DA EMPRESA

O servizo fornéceo IKEA IBÉRICA S.A., CIF A28812618, con domicilio na Avenida Matapiñonera N.º 9, código postal 28703, San Sebastián de los Reyes (Madrid), inscrita no Rexistro Mercantil de Madrid no Tomo 1251, Sección 8ª, Folio 102, Folla 23549.

Este servizo é fornecido exclusivamente pola tenda de IKEA seleccionada para a prestación do servizo.

2. CARACTERÍSTICAS DOS PRODUTOS

O cliente declara coñecer que todos os produtos que se venden en IKEA están destinados a un uso doméstico e foron sometidos a métodos de ensaio conforme ás normas e estándares correspondentes. As garantías que ofrece IKEA con respecto aos seus artigos están condicionadas ao seu uso doméstico. Se ben algúns artigos IKEA están recomendados para un uso doméstico-profesional, non o están para o seu uso en institucións e Administracións públicas. O cliente deberá, en todo caso, e con carácter previo a efectuar a compra dun artigo IKEA, asegurarse de que este é axeitado para o uso que lle quere dar.

3. CONDICIÓNS PARA A PRESTACIÓN DO SERVIZO

O uso deste servizo implica a aceptación plena e incondicional do cliente de todo o contido das seguintes condicións xerais, así como do contido das condicións de uso da web de IKEA e da política de privacidade de IKEA vixente en cada momento dispoñibles na ligazón https://www.ikea.com/es/gl/customer-service/privacy-policy/

No caso do servizo de asesoramento de cociñas: O cliente afirma que o habitáculo da cociña se atopa nas condicións definitivas, incluíndo tomas de auga e luz no seu lugar final, así como chans e paredes cos seus acabados finalizados.

Os produtos incluídos nos planos, nos orzamentos, ou tratados no asesoramento non forman parte do servizo de asesoramento e non están incluídos de ningún xeito no prezo, polo que só se poden mercar co prezo e coas condicións de referente na data na que se realiza a compravenda de cada produto, aínda cando os orzamentos dos produtos outorgados durante o asesoramento estableceran diferentes condicións. Do mesmo xeito, o servizo de asesoramento non inclúe ningún servizo de transporte, montaxe ou servizo adicional que non se mencione expresamente nestas condicións.

Como condición esencial para a prestación do servizo, o contratante exime a IKEA e, polo tanto, será o único responsable de ter en consideración e facer uso dos produtos de acordo coas correspondentes especificacións técnicas e instrucións de uso, así como de verificar a correcta localización e posición do produto no inmoble de acordo co libro do edificio, as obrigas de uso e mantemento do inmoble, manuais de emerxencia e evacuación e calquera outro requisito que se poida derivar dos manuais e das normativas aplicables ao inmoble en cuestión, extremos que IKEA descoñece e cuxa responsabilidade será exclusivamente do cliente.

Por todo o exposto anteriormente, será responsabilidade exclusiva do cliente comprobar que o deseño e a documentación xerados por IKEA se adapten ou deban ser modificados, por parte do cliente, ás condicións de seguridade, habitabilidade, idoneidade e outras obrigas que na súa condición de usuario, titular, arrendatario ou calquera outro título que lle lexitime para dispoñer deste servizo en relación co inmoble.

4. DESCRICIÓN DO SERVIZO

ASESORAMENTO A DOMICILIO PARA COCIÑAS

IKEA fornecerá un servizo de asesoramento personalizado a domicilio para a compra de cociñas que incluirá o deseño e a planificación das cociñas de IKEA a partir da información proporcionada na enquisa que o cliente completa no proceso de reserva de cita. Este deseño tamén estará baseado no plano subministrado polo medidor mediante a verificación que realizará unha empresa colaboradora externa sen custo adicional, para a correcta planificación da cociña en función do tamaño da habitación, da altura da cociña, da localización, das medidas e tamaños de fiestras e portas, así como dos puntos de electricidade, auga e e desaugadoiro, e dos tubos de ventilación para a extracción. IKEA non prestará o servizo de deseño e planificación de cociñas que non estean compostas na súa totalidade por artigos de IKEA.

O servizo fornécese de forma puntual, nunha única sesión na data acordada entre ambas as partes, cunha duración máxima de tres horas, agás acordo entre ambas as partes. IKEA entregará ao cliente un plano en 3D, cuxa entrega eximirá a IKEA de calquera outra obriga ou responsabilidade. O deseño servirá de base para a elaboración do orzamento que será entregado ao cliente, e que conterá os artigos e os seus correspondentes prezos en función dos criterios escollidos (modelo, cor e medidas), orzamento que será válido durante un prazo de 30 días naturais. O cliente poderá solicitar a IKEA posteriormente dous cambios no deseño a través do correo electrónico que a tenda da súa elección lle indique nun prazo máximo de 30 días, enviando IKEA ao cliente o novo deseño, planificación e orzamento nun prazo máximo de 7 días ata o mesmo correo electrónico desde o que se realizou a solicitude. Os cambios nas medidas a petición do cliente requirirán o pago da correspondente diferenza de mercadoría.

IKEA non responderá en ningún caso dos custos de terceiros que impliquen os cambios de deseño solicitados polo cliente. En caso dalgunha causa de forza maior, ou atribuíble ao cliente, que impida realizar algunha das obrigas asumidas, isto non suporá un incumprimento por parte de IKEA.

ASESORAMENTO A DOMICILIO PARA DORMITORIOS

IKEA fornecerá un servizo de asesoramento personalizado a domicilio para a compra dun dormitorio que incluirá o deseño e a planificación dun dormitorio de IKEA a partir da información proporcionada na enquisa que o cliente completa a través dun correo electrónico que recibirá coa confirmación de cita.

O servizo fornécese de forma puntual, nunha única sesión na data acordada entre ambas as partes, cunha duración máxima de dúas horas, agás acordo entre ambas as partes. IKEA entregará ao cliente un plano en 3D, cuxa entrega eximirá a IKEA de calquera outra obriga ou responsabilidade. O deseño servirá para a elaboración do orzamento que será entregado ao cliente, e que conterá os artigos e os seus correspondentes prezos en función dos criterios escollidos (modelo, cor e medidas).

ASESORAMENTO A DOMICILIO PARA SALÓNS

IKEA fornecerá un servizo de asesoramento personalizado a domicilio para a compra dun salón que incluirá o deseño e a planificación dun salón de IKEA a partir da información proporcionada na enquisa que o cliente completa a través dun correo electrónico que recibirá coa confirmación de cita.

O servizo fornécese de forma puntual, nunha única sesión na data acordada entre ambas as partes, cunha duración máxima de dúas horas, agás acordo entre ambas as partes. IKEA entregará ao cliente un plano en 3D, cuxa entrega eximirá a IKEA de calquera outra obriga ou responsabilidade. O deseño servirá de base para a elaboración do orzamento que será entregado ao cliente, e que conterá os artigos e os seus correspondentes prezos en función dos criterios escollidos (modelo, cor e medidas).

5. PREZO E PAGAMENTO

O servizo de asesoramento personalizado custará 49 euros. No caso de que o cliente queira proceder ao pago da mercadoría, o prezo de venda establécese no orzamento elaborado para tal efecto. O pago íntegro do servizo de asesoramento deberá efectuarse no momento da sinatura destas condicións xerais. Para o aboamento da reserva da cita admitiranse os seguintes métodos de pago: no momento da reserva da cita, pago en liña xestionado co asesor especializado, e no domicilio do cliente os métodos de pago admitidos son a tarxeta de crédito ou débito; non se acepta ningún pago en efectivo.

No caso de que o pedido de mercadoría sexa finalmente aboado na tenda, os métodos de pago admitidos son a tarxeta de crédito ou débito, o pago en efectivo e o pago con tarxeta agasallo ou tarxeta devolución. IKEA non procesará ningún pedido que non fose integramente aboado.

Non é posible aboar este servizo de xeito diferente do previsto nin por separado noutro establecemento de IKEA distinto do lugar no que se realizou o pedido, nin a través do servizo de compra en liña.

6. DISPOÑIBILIDADE

É posible que un produto, cuxa dispoñibilidade fose confirmada por IKEA ao elaborar o orzamento, se esgotase, polo que, neste caso, IKEA informará ao cliente desta situación por correo electrónico ou por teléfono no prazo máximo de 48 horas e ofrecerá as seguintes alternativas segundo as preferencias do cliente:

A entrega do produto nun prazo superior ao indicado inicialmente.
A substitución do produto por outro similar en características, funcionalidades, calidade e prezo.
A devolución do prezo cobrado nun prazo máximo de 14 días naturais, desde que o cliente indique que esta é a alternativa elixida.

7. ENTREGA

IKEA procederá á entrega da mercadoría nos prazos acordados co cliente e en todo caso nun prazo máximo de 30 días desde a aceptación e o pago por parte do cliente. Non obstante, certos produtos seleccionados polo cliente poden ter un prazo de entrega superior. No caso de que, nun mesmo pedido, o cliente adquira produtos cuxa dispoñibilidade sexa de 30 días como máximo e produtos cun prazo de entrega superior, a entrega realizarase cando estea dispoñible toda a mercadoría. Non obstante, o cliente poderá contratar un segundo servizo de transporte, asumindo neste caso o custo do mesmo, no caso de que desexara que algúns produtos se enviasen primeiro que outros.

8. SERVIZOS ADICIONAIS

IKEA facilita aos clientes a contratación de certos servizos adicionais á compra. IKEA comprométese a prestar os servizos contratados polo cliente na data e franxa horaria acordadas con el no orzamento que IKEA presente ao cliente. IKEA non transportará, montará, instalará nin almacenará artigos que non fosen comprados en IKEA.

A data concertada co cliente para o transporte, a montaxe e a instalación poderase modificar a petición do cliente sen cargo ningún cando sexa operativamente posible e sempre que o cliente o solicite antes das 24 horas anteriores á data prevista para a realización do servizo. De cambiar o lugar de entrega, iso poderá supoñer un custo adicional.

O cliente deberá asegurarse de que as condicións de espazo e altura do lugar onde se vai realizar a instalación e a montaxe dos artigos adquiridos son as axeitadas, así como notificar no momento da contratación se existe algún obstáculo que impida ou dificulte a entrega da mercadoría no lugar indicado, tales como portas de dimensións reducidas, escaleiras demasiado estreitas, inexistencia ou non adecuación de ascensores, rúas peonís ou con horarios restrinxidos, etc. Estas circunstancias valoraranse para acordar un prezo especial para o transporte nestes supostos. Se o cliente non informase a IKEA previamente e fose necesario un segundo transporte, este deberá ser aboado sen dereito ao reembolso do primeiro.

O cliente exime a IKEA, e por tanto será o único responsable de i) facer uso dos produtos de acordo coas especificacións técnicas e instrucións de uso correspondentes ii) verificar a correcta localización e emprazamento do produto no inmoble de conformidade co libro do edificio, as obrigas de uso e mantemento do inmoble, manuais de emerxencia e evacuación e calquera outros requirimentos de aplicación ao inmoble en cuestión.

O montador/instalador, realizará a montaxe/instalación dos artigos cun estrito cumprimento do contido das instrucións IKEA incluídas. No caso de que o cliente mostre a súa negativa á montaxe de acordo coas instrucións de IKEA, o montador non procederá á execución dos traballos contratadas sen que iso supoña un incumprimento de IKEA das obrigas asumidas por este contrato. Neste caso, se o cliente acepta a realización dos servizos de acordo coas instrucións de IKEA, unha vez realizada a montaxe ou instalación de acordo con eses criterios, non poderá alegar a falta de conformidade por non ter seguido as instrucións por el dadas e que son discrepantes coas que aparecen nas instrucións de IKEA. Se incluso no caso de seguir as instrucións de montaxe, as condicións do lugar onde se leve a cabo a montaxe ou instalación implican un risco para a seguridade das persoas ou dos bens, IKEA poderá negarse a realizar a montaxe sen que isto supoña un incumprimento contractual, procedendo, no seu caso á devolución do importe aboado. A seguridade das persoas e dos bens é unha prioridade para IKEA. Unha vez rematada a prestación do servizo contratado, o cliente en caso de conformidade cos traballos realizados, procederá a asinar un documento acreditativo de tal conformidade.

IKEA retirará gratuitamente do domicilio do cliente os restos de envases e doutro tipo que poidan quedar das montaxes contratadas. Se o cliente desexa a retirada doutros obxectos (mobles vellos, electrodomésticos, etc.), deberá comunicar este feito o día da contratación do servizo orixinal para que quede incluído no orzamento.

SERVIZO DE TRANSPORTE

IKEA ofrece o servizo de transporte ao lugar indicado polo cliente no contrato en calquera punto xeográfico de España excepto as illas, Ceuta e Melilla. A tarifa determínase pola zona de repartición da que se trate en función do código postal onde se encontre o lugar de entrega, e polo importe de compra. O cliente deberá consultar con IKEA a posibilidade de entrega en domingos e festivos locais na tenda seleccionada.

IKEA procederá a prestar o servizo en 24 horas na zona A, en 72 horas na zona B e no caso da ZONA C, IKEA informará ao cliente do día da semana en que se fará a entrega segundo o código postal onde vaia a facerse a repartición. Estes prazos comezarán a contar a partir da data en que se confirmou o pago realizado polo cliente.

O prazo de entrega será o acordado co cliente no pedido que IKEA confeccione a estes efectos. Se hai artigos do pedido cuxa data de entrega é posterior ao resto da mercadoría, o cliente poderá optar por esperar a que chegue toda a mercadoría e se faga a entrega conxuntamente, pagando custos de almacenaxe, ou pagar dos transportes. Non se admiten entregas en apartados postais nin en lugares públicos.

Se o cliente está ausente na data e hora acordadas para a realización do servizo, IKEA notificará a súa visita mediante o documento “Tarxeta Ausente Cliente”, no que o cliente debe poñerse en contacto con IKEA para concertar unha nova data de entrega.

O cliente faise responsable de verificar a cantidade de vultos recibidos, o estado destes e asinar a súa conformidade coa entrega, despois de examinar a mercadoría conxuntamente co prestador do servizo. IKEA farase responsable das perdas e dos danos causados á mercadoría durante o transporte. En caso de danos ou perdas no servizo de transporte, o destinatario deberá indicar por escrito no albará de entrega calquera dano ou perda que observe na mercadoría no momento da entrega ou como máximo nun prazo de 48 horas. No caso de danos ou perdas non manifestos, o prazo de reclamación é de 7 días desde a entrega.

Na recepción da mercadoría, o cliente deberá acordar co transportista onde colocar os produtos.

Particularidades do servizo DA TENDA AO TEU PORTAL:

1. A mercadoría depositarase no portal do domicilio do cliente. Se non existe ningún portal, depositarase na entrada da primeira porta do domicilio de entrega.

2. O servizo DA TENDA AO TEU PORTAL non pode estar vinculado ao servizo de montaxe.

3. O cliente realizará un control dos artigos xunto co transportista antes de mostrar a súa conformidade ao firmar o albará de entrega.

Servizo de almacenaxe: O cliente poderá demorar o transporte contratado dos artigos adquiridos que se indiquen no orzamento, contratando o servizo de almacenaxe durante o período acordado con IKEA e aboando a tarifa correspondente. Transcorrido o período de almacenaxe acordado entre IKEA e o cliente, confirmaranse co cliente o lugar, a data e a franxa horaria para a entrega. Se esa entrega non é posible, IKEA requiriralle ao cliente que fixe un prazo.

Transcorrido o prazo máximo de 28 días desde a data na que se contratou a almacenaxe, IKEA aplicará un cargo de 5 euros por cada día de atraso cun máximo de quince días. Despois deste prazo, IKEA quedará liberada da súa obriga de custodia da mercadoría. IKEA, no seu caso, procederá á devolución dos importes dos servizos non prestados.

SERVIZO DE MONTAXE

No caso de contratar un servizo de montaxe, a montaxe comezará o mesmo día da entrega da mercadoría, aínda que non terá que completarse dentro da mesma franxa contratada. O prezo deste servizo detallarase no orzamento preparado para o cliente, establecendo a data e a franxa horaria en que se prestará o servizo. A instalación na parede non está incluída no importe deste servizo se non se especifica nas instrucións do artigo. Este servizo inclúe a montaxe conforme ás instrucións de IKEA, a colocación do artigo no lugar que indique o cliente, a nivelación do propio artigo, as súas portas e caixóns, e a retirada de todas as embalaxes. Os cadros, andeis, espellos, lámpadas e persianas non van incluídos no prezo da montaxe.

No caso de contratar montaxe ou instalación sen transporte, IKEA cobrará a tarifa correspondente en concepto de desprazamento segundo a zona de reparto da que se trate. O cliente deberá consultar con IKEA a posibilidade de entrega en domingos e festivos locais.

SERVIZO DE INSTALACIÓN PARA SALÓNS E DORMITORIOS

Este servizo é necesario para aqueles artigos que impliquen unha colocación ou posta en marcha máis complexa ou ben que poidan requirir o traballo de persoal cualificado na prestación do servizo. O cliente deberá consultar con IKEA a posibilidade de entrega en domingos e festivos locais na tenda seleccionada.

Servizos que se poden contratar:

Instalación en teito ou parede de lámpadas, andeis, cadros, espellos: Este servizo inclúe o material de fixación e selado necesario e a retirada de todo o material de embalaxe do domicilio do cliente. O prezo da instalación é independente do prezo da montaxe.
Instalación de chans: O chan debe permanecer 24 horas desembalado e na estancia onde se vai realizar a montaxe antes do inicio desta última. Será necesario contratar de forma inseparable o servizo de verificación.

Non se inclúen traballos de albanelaría, decoración, fontanería, electricidade e pintura.

SERVIZOS DE INSTALACIÓN PARA COCIÑAS

Instalación de cociñas

Nestes casos, a prestación deste servizo non se realizará ata como mínimo sete días despois da confirmación do pago, procedendo en todo caso a transportar a mercadoría polo menos un día antes do inicio da instalación.

Este servizo implica:

Montaxe e instalación de armarios, patas, bisagras, portas e caixóns, andeis, paneis laterais, zócolos, xambas, molduras e tiradores, así como a instalación de mesado.
Montaxe e instalación de todos os accesorios de interior UTRUSTA.
Adaptación da altura, do ancho ou da profundidade dos armarios, ou cortes/perforacións debidos a cables, tubos, columnas, etc.
Montaxe e instalación de vertedoiros, billas e electrodomésticos IKEA, excepto campás extractoras en illas.
Conexións á subministración de auga e desaugadoiro do vertedoiro e billa (separación máxima do eixe 30 cm). Será necesario que o sifón sexa de IKEA para proceder á instalación.
Instalación de sistemas de iluminación de cociñas IKEA.
Creación de mobles especiais (caldeira, quentador, botelleiros, etc). Servizo sometido a tarifa especial.
Cerramentos a teito.
Forrado de columnas ou interiores. Servizo sometido a unha tarifa especial.
Instalación de accesorios de parede IKEA.
Material de fixación e selado, así como o material eléctrico que fose necesario. O cable da placa e as fichas de conexión debe facilitalas o cliente.
O material de fixación debe ser adecuado para o soporte (xeso, cemento, placa de xeso, azulexo, etc.).
Retirada de todo o material de embalaxe.
Conexións á subministración eléctrica, subministración de auga e desaugadoiros de todos os electrodomésticos IKEA (separación máxima do eixe 30 cm).

Para calquera montaxe de cociña, o cliente terá que contratar a verificación da cociña, en particular do lugar onde se instalará esta co fin de tomar medidas xerais, ángulos, conexións; corrección no seu caso do plano previo proporcionado polo cliente; información ao cliente da existencia de posibles problemas na execución da instalación e busca de solucións. No caso de que se realice unha verificación e o servizo de instalación non se contrate definitivamente, IKEA cobraralle ao cliente a verificación. Unha segunda verificación por cambio de opinión do cliente implicará un novo cobro de verificación da cociña, que non se reembolsará.

Non se inclúen traballos de albanelaría, decoración, fontanería, electricidade e pintura. Tampouco se realizan conexións nin desconexións da instalación de gas nin se instalan elementos de gas (placas ou fornos). No caso de electrodomésticos combinados de gas e electricidade, só se montará a parte eléctrica.

Para a instalación de cociñas é necesario que esta última non estea en obras, ademais de contar con corrente eléctrica e subministración de auga para poder comprobar a instalación. Instalación de electrodomésticos

Este servizo inclúe conexións á subministración eléctrica, subministración de auga e desaugadoiros de todos os electrodomésticos IKEA (separación máxima do eixe 30 cm). O cliente debe dispoñer de corrente eléctrica e subministración de auga para poder comprobar a instalación. Non se realizan conexións nin desconexións da instalación de gas nin se instalan elementos de gas (placas ou fornos). No caso de electrodomésticos combinados de gas e electricidade, só se montará a parte eléctrica.

Instalación de mesados de cociña

Este servizo ten varias opcións:

Instalación de cociña + mesado: Unha vez realizada a instalación da cocina, procederase a levar a cabo una verificación do espazo onde se instalará o mesado.
Instalación de mesados sen adquisición de cociña. Procederase a unha verificación do espazo onde se instalará o mesado.
Condicións aplicables á venda de mesados baixo pedido (cuarzo, laminados, madeira maciza e acrílicos).
O cliente comunicará a IKEA as características do mesado cuxo encargo se solicita, así como as súas medidas mediante un plano para este propósito., no que se deben indicar as medidas exactas de corte. Unha vez que IKEA reciba esta información, indicaralle ao cliente a data de recollida. IKEA comprométese a entregar o produto nun prazo máximo de 80 días a partir do pago total do prezo.
O cliente deberá aboar a totalidade do importe a IKEA cando encargue o mesado e non procederá a procesar ningún pedido que non fora pagado na súa integridade. O pedido considérase realizado desde o momento no que o cliente pague o prezo total. Calquera cambio nas medidas unha vez enviadas polo cliente require unha modificación do pedido que suporá un custo adicional que será comunicado ao cliente para a súa aprobación.
Instalación de paneis xaponeses: Este servizo inclúe a instalación da barra e do panel, así como o corte das barras e paneis á medida adecuada.
Instalación de baños: Este servizo é inherente ao servizo de montaxe. O cliente debe dispoñer de corrente eléctrica e subministración de auga para poder comprobar a instalación. As fixacións de accesorios cóbranse por separado se non se contrata o servizo completo (transporte, montaxe e instalación de baños).
Instalación en teito ou parede de lámpadas, andeis, cadros, espellos: Este servizo inclúe o material de fixación e selado necesario e a retirada de todo o material de embalaxe do domicilio do cliente. O prezo da instalación é independente do prezo da montaxe. Instalación de chans: O chan debe permanecer 24 horas desembalado e na estancia onde se vai realizar a montaxe antes do inicio desta última. Será necesario contratar de forma inseparable o servizo de verificación.
Instalación de televisións e sistemas de son: Este servizo inclúe a instalación (parede ou moble), a organización do cableado da televisión e do sistema de son, a conexión e organización de cables de todos os periféricos, a posta en marcha do produto, a configuración da rede e a retirada da televisión usada. O cliente ten un período de garantía de 3 anos para este servizo de instalación.

Servizo de verificación

a) Verificación cociña

Antes de instalar unha cociña, sempre debes realizar unha verificación de cociñas. Este servizo fornecerase de luns a sábado nunha franxa horaria das 9.00 ás 21.00 horas e 4 días antes da instalación efectiva da cociña. Se no momento de realizar a verificación o cliente ten instalada unha cociña antiga, deberá desinstalala antes do día da instalación da nova, momento no que deberán estar finalizadas todas as obras previas á montaxe (albanelería, fontanería, electricidade, pintura, etc). Se o desexa, pode contratar con IKEA a desmontaxe da cociña antiga.

A verificación incluirá:

- Toma de medidas xerais, ángulos, conexións, etc.

- Verificación do plano previo do cliente e corrección tanto do plano (en ambos os casos arriba mencionados) como do pedido correspondente (só cando o deseño estea realizado). Columnas, tubaxes vistas, paredes irregulares, puntos de luz, escaleiras, calefacción, portas, fiestras e chans irregulares.

- Información ao cliente dos posibles problemas e das súas solucións.

- Información a IKEA das modificacións propostas no deseño.

b) Verificación mesados

A verificación dun mesado consiste en determinar se o deseño do mesado é válido na cociña instalada. Esta verificación terá un custo adicional á verificación da instalación da cociña e incluirá as seguintes tarefas:

1. Anótase en detalle a posición exacta de: vertedoiro, placa, billa, calquera outro oco, medida dos ocos, columnas, tubaxes, fiestras e outros elementos significativos.

2. Compróbase que todas as paredes sexan rectas, así como que se poidan realizar todas as conexións das partes do mesado.

3. Dado que estes mesados son personalizados, unha vez asinada a verificación non se poderán realizar cambios respecto ás medidas na cociña. Esta circunstancia anotarase no albará correspondente á verificación.

Ao recibir a mercadoría, tanto para montaxes como para instalacións, o cliente deberá acordar co prestador do servizo onde colocar os produtos mentres son montados e instalados, onde colocar os cartóns e outros materiais de refugallo durante a montaxe e a instalación, a utilización de conexións de luz e auga, a utilización de lavabos, o acceso á propiedade, a apertura das portas á dereita ou á esquerda, a posición dos tiradores e a posición dos accesorios.

SERVIZOS DE RECOLLIDA

Servizo de recollida de electrodomésticos e outros aparatos eléctricos e electrónicos e xestión medioambiental correcta

IKEA non cobrará aos clientes ningunha cantidade pola recollida e xestión de electrodomésticos, aparatos eléctricos ou electrónicos sempre que sexan substituídos por produtos equivalentes adquiridos en IKEA. En todo caso, o cliente deberá asinar un albará no que conste a información do electrodoméstico recollido. Se o cliente decide non entregar ningún electrodoméstico ou aparato eléctrico ou electrónico, tamén deberá asinar un albará especificando expresamente esta circunstancia.

Recollida de colchóns

A recollida no domicilio do cliente de certos artigos vellos como mobles de cociña, colchóns e sofás, realizarase no caso de que o cliente adquirise previamente produtos equivalentes en IKEA e contratase o transporte ou a montaxe deles, cobrando a tarifa (b) correspondente por unidade, procedendo a depositalos nos puntos apropiados para a correcta xestión do residuo en cuestión.

Recollida de residuos

O cliente poderá contratar a recollida no domicilio de certos artigos vellos, como mobles de cociña, colchóns e sofás, sempre que o cliente adquirise previamente produtos similares en IKEA e contratase o transporte e ou a montaxe deles, cobrando a tarifa correspondente por unidade, e procedendo a depositalos nos puntos apropiados para a correcta xestión do residuo en cuestión.

Desmontaxe de artigos vellos

A desmontaxe de artigos poderá solicitarse cando se contratase previamente o servizo de recollida de residuos e se aboase segundo a tarifa correspondente.

9. GARANTÍAS

IKEA responde pola falta de conformidade dos artigos nun prazo de dous anos desde a data da compra por parte do cliente ou desde a súa entrega por parte de empresas colaboradoras externas segundo o establecido polo Real Decreto Lexislativo 1/2007 do 16 de novembro.

No caso de que se detecte unha falta de conformidade nun artigo, o cliente deberá comunicarllo a IKEA como moi tarde nun prazo de dous meses a partir do coñecemento da falta mencionada. Ese artigo debe se examinado por IKEA para avaliar se se trata dunha falta de conformidade, asumindo IKEA, nese caso, os gastos de transporte producidos e os necesarios para a súa reparación ou substitución para proporcionar un novo artigo, no caso de que se escolla esta opción, de acordo co establecido na normativa de garantías.

Ademais, o sistema de cociña METOD dispón de condicións específicas de garantía comercial, sen que en ningún caso se vexa afectada a garantía legal dos artigos subministrados. Esta garantía é só aplicable para o uso doméstico da cociña. A garantía cobre durante un período de 25 anos os defectos de materiais ou de fabricación dos seguintes compoñentes do sistema de armarios de cociña METOD: estrutura de armario, frontes, bisagras UTRUSTA, caixóns completamente extraíbles MAXIMERA, estantes de melanina e vidro temperado UTRUSTA, zócolos, patas, paneis laterais, xambas/molduras, mesados (agás LILLTRASCK e FYNDIG) e vertedoiros (excepto FYNDIG). O sistema de cociñas FYNDIG non está cuberto por esta garantía.

Os produtos non contemplados nesta garantía son: pomos, tiradores, mesados FYNDIG e LILLTRASCK, bisagras para lavalouza semiintegrado ERSATTARE e bisagras para lavalouza totalmente integrado BEHJALPLIG. Os caixóns FORVARA, os cestos de malla UTRUSTA e os armarios abertos TUTEMO e HORDA teñen 10 anos de garantía. Recomendamos, en todo caso, consultar na ligazón indicada as condicións específicas da garantía e a súa cobertura, así como as instrucións de mantemento para obter o mellor tratamento posible de cada artigo.

Esta información está dispoñible en https://www.ikea.com/es/gl/customer-service/returns-claims/guarantee/

O cliente declara ter recibido as condicións específicas de garantía comercial anexas a este documento. O cliente dispón dunha garantía de dous anos nas montaxes e na instalación de mobiliario, agás nos casos de uso ou manipulación inadecuada.

10. DEREITO DE DESISTENCIA

O dereito de desistencia non se aplica á contratación de servizos, unha vez executado o servizo completamente, cando se comezase a execución, co consentimento expreso previo do consumidor e co recoñecemento pola súa parte de que é consciente de que, unha vez executado completamente o contrato polo empresario, perderá o seu dereito de desistencia.

O cliente recoñece que se lle informou de que iniciado o servizo co seu consentimento, unha vez realizado o servizo completamente non poderá exercer o dereito de desistencia con respecto ao servizo fornecido, polo que non se lle reintegrará a cantidade entregada neste concepto.

No caso de adquirir mercadoría, o cliente terá un prazo de 14 días naturais, a partir da data de recepción do último dos artigos recibidos, para desistir do contrato sen penalización e sen necesidade de indicar os motivos. Para este propósito, poderá empregar o modelo de formulario de desistencia adxunto a estas condicións xerais aínda que o seu uso non é obrigatorio, o cal debe enviarse a IKEA antes de que finalice o período de catorce días naturais.

IKEA proporciona ao cliente información completa sobre o dereito de desistencia a través do formulario anexo a estas condicións xerais.

11. POLÍTICA DE DEVOLUCIÓNS

En calquera caso, co xustificante de compra dos artigos, esencial para calquera devolución, pódense devolver todos os artigos adquiridos nun prazo de 365 días debido a un cambio de opinión. Neste caso, a devolución do importe da compra realizarase unha vez comprobado o estado da mercadoría, nun prazo máximo de 14 días naturais a través do mesmo método en que se realizara a compra.

Sen prexuízo do disposto na normativa vixente en relación co prazo legal de desistencia de 14 días, no caso de que o produto non fose probado e estea na súa embalaxe orixinal, IKEA devolverá o importe da compra íntegro no mesmo método de pago que usou o cliente. En caso contrario, IKEA entregaralle ao cliente unha tarxeta devolución sen caducidade pola totalidade do importe. A política comercial de devolucións é aplicable só para os artigos, non é aplicable en ningún caso á contratación dos servizos.

12. SERVIZO POSVENDA

No caso de que o cliente teña algunha incidencia na contratación do servizo, deberá dirixirse ao establecemento da súa elección. Ademais, poderá poñerse en contacto co servizo de atención ao cliente de IKEA a través do teléfono 900 400 922 (o custo pode variar dependendo do fornecedor de servizos de telecomunicacións) en horario de 10 a 22 horas, a través do formulario de reclamacións dispoñible na seguinte ligazón: http://www.ikeainfo.com/sac/formulario.html ou ben pode solicitar unha folla de reclamacións na súa tenda IKEA máis próxima.

13. LEXISLACIÓN APLICABLE. SUBMISIÓN A FORO

O presente contrato rexerase pola lexislación española que sexa de aplicación no que non se dispoña neste en materia de interpretación, validez e execución.

En caso de desacordo coa prestación do servizo e para a resolución de calquera conflito, as partes acordan someterse, con renuncia a calquera outro foro ou xurisdición ao que puidesen ter dereito, aos xulgados e tribunais da cidade correspondente ao domicilio do cliente.

Información sobre o exercicio do dereito de desistencia (*)

1. Produtos IKEA

No caso de adquisición de artigos, poderá exercitar o seu dereito de desistencia nun prazo de 14 días naturais sen necesidade de xustificación. O prazo para exercer este dereito comezará a contar o día en que vostede, ou un terceiro indicado por vostede, adquira a posesión material do último dos artigos entregados.

Desistencia total: Se vostede exerce o dereito de desistencia dentro do prazo dos 14 días, reembolsarémoslle todos os pagos recibidos de vostede sen ningunha demora indebida, incluídos os gastos de entrega (con excepción dos gastos adicionais resultantes da súa elección dunha modalidade de entrega diferente da modalidade de entrega ordinaria menos custosa que ofrezamos) e, en todo caso, a máis tardar 14 días naturais a partir da data en que se nos informe da súa decisión de desistir deste contrato. Procederemos a realizar este reembolso empregando o mesmo método de pago usado por vostede para a transacción inicial, a non ser que dispuxese expresamente o contrario; en todo caso, non incorrerá en gastos como consecuencia do reembolso.
Desistencia parcial: En caso de desistencia de parte dos artigos/produtos adquiridos, no prazo de 14 días, reembolsaremos o custo íntegro do produto ou os produtos devoltos, así como a parte proporcional dos pagos recibidos de vostede en concepto de servizos inherentes á súa compra (transporte/montaxe/instalación) sen ningunha demora indebida, incluídos os gastos de entrega (con excepción dos gastos adicionais resultantes da súa elección dunha modalidade de entrega diferente da modalidade de entrega ordinaria menos custosa que ofrezamos) e, en todo caso, a máis tardar 14 días naturais a partir da data en que se nos informe da súa decisión de desistir deste contrato.

2. Servizos

Se ademais da adquisición de artigos, contratou un ou varios servizos adicionais (transporte, montaxe e instalación…), pode exercer o seu dereito de desistencia con respecto a todos ou cada un destes servizos nun prazo de 14 días naturais sen necesidade de xustificación, sempre que non se executase/n o/s servizo/s contratado/s, en cuxo caso perderá este dereito. Este período comezará a contar o día da celebración do contrato.

Desistencia total: No caso de prestación de servizos, se exerce o dereito de desistencia no prazo de 14 días, sempre que eses servizos contratados non se executasen completamente, reembolsaremos todos os pagos recibidos de vostede sen ningunha demora indebida e, en todo caso, a máis tardar 14 días naturais a partir da data en que se nos informe da súa decisión de desistir deste contrato. Procederemos a realizar este reembolso empregando o mesmo método de pago usado por vostede para a transacción inicial, a non ser que dispuxese expresamente o contrario; en todo caso, non incorrerá en gastos como consecuencia do reembolso.
Desistencia parcial: No caso de prestación de servizos, se exerce o dereito de desistencia de parte dos servizos contratados no prazo de 14 días, sempre que eses servizos contratados non se executasen completamente, reembolsaremos a parte proporcional de todos os pagos recibidos de vostede sen ningunha demora indebida e, en todo caso, a máis tardar 14 días naturais a partir da data en que se nos informe da súa decisión de desistir deste contrato. Procederemos a realizar este reembolso empregando o mesmo método de pago usado por vostede para a transacción inicial, a non ser que dispuxese expresamente o contrario; en todo caso, non incorrerá en gastos como consecuencia do reembolso.

Outras condicións aplicables

Poderemos reter o reembolso segundo o disposto legalmente. Deberá devolvernos ou entregarnos directamente os artigos sen ningunha demora indebida e, en todo caso, a máis tardar no prazo de 14 días naturais a partir da data en que nos comunique a súa decisión de desistencia do contrato. O prazo considerarase cumprido se efectúa a devolución dos bens antes de que remate ese prazo. Deberá asumir o custo directo de devolución dos bens. Calcúlase que ese custo no caso de contratar un novo servizo de transporte para efectuar a devolución a IKEA será o mesmo que o cliente pagou polo transporte da mercadoría ao seu domicilio, se se trata do mesmo importe de compra, da mesma zona de transporte e da mesma tenda na que fixo a compra. Vostede só será responsable da diminución do valor dos bens resultante dunha manipulación distinta da necesaria para establecer a natureza, as características e o funcionamento dos bens.

Para exercer o dereito de desistencia, deberá comunicar a IKEA CONTACT CENTER ESPAÑA, Plaza Espíritu Santo, Parcelas 1-3, código postal 33010 - Oviedo (Asturias), teléfono 902 400 922 e enderezo de correo electrónico [email protected] a súa decisión de desistir do contrato mediante unha declaración inequívoca (por exemplo, unha carta enviada por correo postal, fax ou correo electrónico). Poderá utilizar o modelo de formulario de desistencia que figura a continuación, aínda que o seu uso non é obrigatorio xa que tamén ten a opción de completar e enviar electronicamente o modelo de formulario de desistencia ou calquera outra declaración inequívoca a través do noso sitio web ikeaparati @ ikea.com. Se recorre a esa opción, comunicarémoslle sen demora nun soporte duradeiro (por exemplo, por correo electrónico) a recepción desa desistencia. Para cumprir o prazo de desistencia, é suficiente con que se envíe a comunicación sobre o exercicio pola súa parte deste dereito antes de que venza o prazo correspondente.

(*) Os dereitos recompilados neste documento son os previstos na normativa de aplicación de venda a distancia. A partir dos 14 días naturais recoñecidos pola lei, será aplicable a política de devolucións de IKEA: no caso de que o produto non fose probado e estea na súa embalaxe orixinal, IKEA devolverá o importe da compra íntegro no mesmo método de pago que usou o cliente. En caso contrario, IKEA entregaralle ao cliente unha tarxeta devolución sen caducidade pola totalidade do importe. A política comercial é aplicable só para os artigos, non é aplicable en ningún caso á contratación dos servizos.

Modelo de formulario de desistencia (só debe completar e enviar este presente formulario se desexa desistir do contrato)

Á atención de IKEA CONTACT CENTER ESPAÑA, Plaza Espíritu Santo, parcelas 1- -3, código postal 33010 – Oviedo (Asturias), con número de teléfono 902 400 922 e enderezo de correo electrónico [email protected].
Pola presente comunícolle/comunicámoslle (*) que desisto do meu/desistimos do noso (*) contrato de venda do seguinte ben/prestación do seguinte servizo (*):
Pedido o/recibido o (*):
Nome do consumidor e usuario ou dos consumidores e usuarios:
Domicilio do consumidor e usuario ou dos consumidores e usuarios:
Firma do consumidor e usuario ou dos consumidores e usuarios (só se o presente formulario se presenta en papel)

Asinado: _______________________________________
Data ____________________________________

(*) Rísquese o que non proceda.