Perfectos para pasta ou saborosos guisos, os nosos pratos fondos teñen distintas formas, tamaños e estilos, segundo a ocasión. Se o prefires, tamén podes buscar outros pratos e cuncos da mesma serie para creares unha vaixela que lle combine.
Ordenar e filtrar
Lista de resultados
O máis vendido
Amosando 22 de 22 resultados
Recomendado para ti
Pratos fondos para converter as comidas en momentos especiais
Os pratos fondos nunca reciben o recoñecemento que merecen, a pesar de estaren sempre aí para os días de pasta, sopa ou ensaladas de quinoa. Ao combinaren a profundidade dunha cunca coa superficie aberta dun prato, son versátiles e elegantes. A nosa colección ofrece tonalidades relaxantes e minimalistas, como o branco e o gris claro mate; tonalidades suaves, como o rosa claro e o gris-beixe claro, o azul vivo e deseños con fermosos estampados.
Pouco importa o estilo que lle queiras dar á túa mesa: temos pratos de 20 a 26 cm e tamén opcións con laterais en ángulo que lle dan un toque moderno.
Que tamaño teñen de ter os meus pratos fondos?
O tamaño adecuado depende do que vaias servir e de como o vaias facer.
- 20–22 cm: ideais para entremeses e ensaladas ou racións pequenas.
- 24–26 cm: pensados para pratos principais abundantes, de risottos a curris con moita salsa.
Un conxunto con tamaños variados pode servir para almorzos e ceas. Os pratos máis grandes poden actuar como fontes para servir e os máis pequenos favorecen unha presentación máis íntima, como de cafetaría.
Que papel xogan as cores e estampados á hora de comer?
As cores poden influír no aspecto e as sensacións que transmite un prato.
- Branco: unha cor atemporal e versátil coa que cada comida será a protagonista.
- Azul: un fondo atrevido e vistoso para comidas máis lixeiras, como marisco ou ensaladas.
- Rosa claro: unha cor suave e acolledora, ideal para unha sobremesa ou un brunch relaxado.
- Gris claro mate: unha cor moderna e sutil, ideal para as comidas do día a día.
- Estampados: transmiten personalidade e fan de cada comida unha ocasión especial.
- Gris-beixe claro: unha cor sutil, sosegada e fácil de combinar co resto da louza.
Mesturar cores ou combinalas con estampados permite crear unha mesa dinámica, con varias camadas e na que todo combina entre si.
Por que optar por pratos fondos, no canto de pratos normais ou cuncas?
Os pratos fondos son versátiles. A profundidade evita que os mollos, os caldos e os aliños se derramen e ademais presentan unha superficie ampla que ofrece moitas posibilidades. Son perfectos para moitas elaboracións:
- Pasta e fideos: os pratos fondos ofrecen espazo suficiente para xirar a comida e botarlle calquera tipo de aliño.
- Ensaladas: evitan que os ingredientes se derramen e realzan as cores.
- Guisos e sopas: son o equilibrio perfecto entre a profundidade dunha cunca e a elegancia dun prato.
Os laterais en ángulo danlles un toque contemporáneo e permiten aproveitar a maior cantidade de comida posible, polo que resultan prácticos e elegantes. Co conxunto de pratos fondos adecuado, sentirás que a cea dun martes calquera é como unha cea no teu restaurante preferido.