Mobles

Din que unha casa non sempre é un fogar, e é totalmente certo. Porque ti es quen o crea, mediante lembranzas, experiencias, sentimentos e pensamentos. O teu fogar é unha prolongación de ti, e os teus mobles deben reflectilo.

Por iso, un aparador non é unha simple solución de almacenaxe sen alma: é un lugar que alberga os teus recordos. Nel, hai valiosos tesouros de viaxes e fotos da familia. Un andel de cociña non serve só para gardar utensilios, senón que tamén é unha fiestra á túa cultura e identidade, onde gardas todas as especias, libros de cociña e adornos que conforman o teu gusto.

O noso propósito é dispoñer dunha ampla variedade de mobles accesibles. Todo para que poidas brillar e expresarte en todos os recunchos do teu fogar.

Bótalle unha ollada á nosa selección na túa tenda máis próxima ou merca mobles no sitio web dende a comodidade do teu fogar. 

O mobiliario máis esencial para a sala de estar

Pasamos moitas horas no centro do noso fogar: a sala de estar. Maratóns infinitos de películas e series diante do televisor, xuntanzas ata ben entrada a noite coas túas amizades e familiares, os deliciosos brunches dos sábados... Todo iso sucede aquí. Polo tanto, precisas mobles que se adapten a todas esas actividades. Ten en conta o espazo que tes e pensa no tipo de mobiliario que poderías necesitar.

Se dispós dunha sala de estar espazosa, atrévete cun sofá grande e convértea nunha sala onde pasar o tempo cos teus convidados. Merca unha mesa de centro que combine e unha ou dúas cadeiras de brazos para ter máis espazo de almacenaxe e asentos. Deste xeito, sempre haberá un sitio cómodo para todas as túas amizades e familiares, e o teu fogar terá un aspecto perfecto.

Se contas con menos espazo, pode que teñas que usar a sala de estar para moitas cousas. Por exemplo, un diván ou un sofá cama son a mellor opción para que a sala de estar tamén sirva de dormitorio de convidados. Podes engadir unha mesa de centro con almacenaxe e un puf pequeno no canto dunha cadeira voluminosa, e aproveitarás o espazo mellor que nunca. Ademais, terás a opción de seguir facendo sitio para uns cantos convidados.

A esencia do dormitorio

A cama está destinada a estar no centro do dormitorio; á fin e ao cabo, pasamos un terzo da nosa vida a durmir. Porén, o noso benestar e a nosa capacidade para durmir ben non dependen totalmente da cama: o interior e a sensación xeral son igual de importantes, xa que o dormitorio debería ser un lugar tranquilo e relaxante. Para logralo, podes empregar mobles de dormitorio de diferentes cores e materiais, e engadir moitos tecidos para crear unha atmosfera acolledora. 

Engade unha alfombra suave para que o primeiro que toquen os teus pés polas mañás sexa algo cálido. Utiliza varias cortinas para conseguir a sensación dun hotel, con teas lixeiras que achegan privacidade e teas grosas para poder durmir en total escuridade. Pinta as paredes dunha cor apracible: os tons máis escuros son moi populares e axudaranche a relaxarte para que sexa máis doado durmir. Podes engadir obxectos de madeira para acadar un ambiente sereno, como colgadoiros para colocar a túa bata ou a túa roupa, ou mesas de noite. Por último, pero non por iso menos importante, asegúrate de que a estancia estea ordenada: un dormitorio desordenado pode facer que non durmas ben. Pero, de momento, vas por bo camiño para conseguir un soño reparador.

Atopa todo o que precisas para gozar dun dormitorio apracible e relaxante na nosa ampla variedade. 

A alma da cociña

Moitas persoas cren que a cociña é o lugar central do fogar, e estamos de acordo: é onde se preparan as comidas, onde as familias se xuntan ao longo do día e onde se dedica moito tempo, esforzo e amor para coidar a quen che rodea. Aquí se crean moitas lembranzas eternas durante longos e saborosos almorzos, ceas románticas e festas alegres. Polo tanto, como asegurarse de que a cociña sexa tan alegre como os teus recordos? Só tes que crear algo que che encante.

Merca eses coloridos e bonitos armarios de cociña cos que sempre soñaches, ou ben ese elegante mesado de cerámica. Elixe coidadosamente tiradores, billas e vertedoiros que combinen á perfección. Aposta por esa superficie de cor bronce que considerabas excesiva. Non importa o que escollas, sempre e cando reflicta parte da túa identidade.

Atopa aquí todo o que precisas para a túa nova e acolledora cociña.

Publicidade*. Financiamento a través da tarxeta IKEA VISA, emitida pola entidade de pagamento híbrida CaixaBank Payments & Consumer, E. F. C., E. P., S. A. U., e suxeita á súa autorización. A entidade escolleu, como sistema de protección dos fondos recibidos de usuarios de servizos de pagamentos que presta, o seu depósito nunha conta bancaria separada aberta en CaixaBank, S.A.: Obtén máis información sobre as formas de pagamento da túa tarxeta aquí: https://www.caixabankpc.com/es/productos. Financiamento dispoñible en 3, 6, 10, 12, 18, 24, 36 e 48 meses sen xuros (TXN: 0%. TAE 0 %) para compras realizadas en tendas IKEA da península e na tenda en liña IKEA.es. Importe mínimo de 10€ para tres, seis e dez meses, e de 120€, 180€, 240€, 720€ e 960€ para 12, 18, 24, 36 e 48 meses, respectivamente. Importe máximo que financiar: 3000€. Exemplo representativo nunha compra financiada en dez meses de 1500€. TXN: 0% TAE: 0%. 10 cotas de 150€. Prezo total a prazos e importe total debido: 1500€. Custo total do crédito (xuros): 0€. Sistema de amortización francés.