Mobles auxiliares

Nunca subestimes a versatilidade dun bo armario. Este moble tan elegante ofrece un espazo de almacenaxe esencial para calquera fogar. E, grazas aos diferentes tipos de armarios, podes utilizalo para gardar, exhibir ou ocultar practicamente calquera cousa. 

Ademais, os armarios son os camaleóns dos mobles: serven para moitas outras cousas. Descubre os diferentes tipos de armarios, así como os seus moitos usos, na nosa gama.

O armario versátil

O obxectivo dos armarios é bastante simple: exhibir, ocultar e almacenar as túas pertenzas. Pero serven para moitas máis cousas. En primeiro lugar, supoñen un detalle de deseño interior que pode realzar a decoración do teu fogar. E, segundo o tamaño e a forma, podes darlles moitos usos dentro do fogar.

O armario pequeno que tamén serve como aparador

Un armario pequeno tamén se pode usar como un aparador práctico. Colócao no recibidor para deixar a carteira e as chaves, ou talvez xunto ao sofá para despexar a mesa de centro.

Podes probar cun armario pequeno, lixeiro e independente se o que precisas é unha unidade de almacenaxe portátil en diversas zonas do teu fogar. Tamén podes colocar varios armarios de parede para darlles protagonismo na estancia.

Tamén poden servir como moble de TV

Un armario ancho é perfecto para usar como moble de TV. Pode ser unha grande elección se queres que se integre co resto de mobles para que toda a estancia vaia a xogo. Os armarios tamén se poden colocar de forma que desvíen a atención do televisor como punto de referencia da habitación.

Podes combinar varios armarios altos, de altura media e baixos da mesma serie, ao longo dunha parede. Crearás un aspecto uniforme pero tamén dinámico debido ás diferentes alturas. Podes colocar o televisor descentrado nun moble de altura media ou baixa e enmarcalo con armarios altos para acadar un look integrado. O televisor formará parte da estancia sen ser o protagonista. Ademais, disporás dun amplo espazo para almacenar todos os teus dispositivos e electrodomésticos.

Lembra que os nosos mobles de TV específicos están deseñados con solucións para os cables, como orificios ou ocos na parte posterior. Só algúns dos nosos armarios incorporan estas solucións como opción. Asegúrate de ler a descrición de cada produto para saber cales teñen solucións para os cables ou bota unha ollada a todos os nosos mobles de TV.

Un armario para os teus libros

Un armario alto con portas pode ser o substituto perfecto dun estante. Podes almacenar facilmente o mesmo número de libros e obxectos decorativos que nun estante convencional. Pero tamén tes a opción de escoller que mostrar e que ocultar.

Moitos dos nosos armarios veñen con estantes abertos, así como portas macizas ou portas con vidro. Isto significa que podes usar unha parte da libraría para exhibir as túas cousas, mentres usas a parte das portas para almacenar.

Isto xa depende de ti: queres manter á vista os teus obxectos literarios máis prezados para impresionar os teus convidados? Ou prefires gardalos tras portas pechadas para protexelos do po, a sucidade e o desgaste?

Armarios de parede

Algúns dos nosos armarios pódense montar na parede. Isto dáche a oportunidade de aproveitar un espazo que se adoita desaproveitar. Por que non pendurar armarios enriba ou ao redor do televisor, ou enriba da cama? Se tes que gardar moitas cousas nunha estancia pequena, os armarios de parede poden ser a solución que necesitas.

Axústanse ás túas necesidades

Algúns dos nosos armarios adáptanse ás túas necesidades segundo vaian cambiando. Podes engadir ou quitar estantes, escoller entre portas ou caixóns e incluso incorporar seccións completas se o precisas.

Tamén podes engadir funcións adicionais para renovar o teu armario, como portas con peche suave ou iluminación integrada. Desta forma, conseguirás o ambiente que desexas.