Liteiras

As liteiras son a elección lóxica para un dormitorio compartido. A todos nos gustan as camas, pero… dúas nunha habitación? Aquí é cando paga a pena duplicar. Cunha liteira podes liberar espazo no chan que se poderá utilizar para cousas máis divertidas, como talvez un pequeno castelo inchable. Ao ter unha cama instalada enriba doutra, con seguridade, podes optimizar o teu dormitorio. Temos liteiras de varios tamaños, de madeira e de metal, e con distintos estilos de escaleira. Tras escoller a axeitada, a única decisión que queda é quen dorme na de arriba. 

Cunha liteira, a hora de durmir é máis divertida

Amoblar e decorar un dormitorio infantil compartido pode ser moi divertido, pero tamén unha auténtica dor de cabeza. Unha liteira resolve o problema da limitación de espazo, ao liberar o espazo no chan correspondente a unha cama. Pero tamén te podes divertir cunha liteira converténdoa nunha cabana secreta con teas que a cubran e cómodas almofadas. Cun chisco de fantasía, as liteiras poden facer que os dormitorios infantís resulten moi acolledores.

Distintos tipos de liteiras

A maioría das nosas liteiras son estruturas de cama dobres, deseñadas para aloxar dous colchóns (un enriba do outro). Evidentemente, estes tamaños de estruturas de cama adáptanse aos nosos colchóns, de modo que podes combinar a estrutura co nivel exacto de comodidade que queiras. Se necesitas que caiban tres persoas, podes triplicar o espazo cunha liteira de tres camas. Estas liteiras teñen tres colchóns. Por exemplo, SVÄRTA vén con dúas camas, dúas bases e unha terceira estrutura de cama que pode engadirse para un convidado. Chega con sacar a cama inferior. Xa tes unha festa de pixamas para tres sen estragar espazo.

Se o que precisas non é outra cama, senón máis espazo en xeral, proba cunha cama alta ou unha liteira con almacenaxe debaixo. Estes dous tipos de liteiras liberan espazo no chan.