Camas altas
Unha cama alta é o lugar perfecto para durmir, pero tamén é moito máis ca iso. Con tan só subir pola escaleira, poderás relaxarte, facer os deberes ou simplemente gozar do teu propio espazo. Ademais, é moi práctica, posto que libera espazo no chan para que poidas colocar un escritorio, unha solución de almacenaxe ou varios asentos debaixo. Incluso poderás construír o teu propio forte de almofadas.
Ordenar e filtrar
Recomendado para ti
Vistos recentemente
Categorías relacionadas
As camas altas son a solución ideal para os dormitorios ou apartamentos pequenos. Á maioría gústanos a cama tanto como nos amola a cantidade de valioso espazo no chan que ocupa. Ás veces, as ideas máis elevadas son as mellores; coloca unha cama alta de boa calidade no teu fogar para liberar o máximo espazo debaixo. Unha cama alta é unha estrutura de cama que eleva o colchón a bastante altura do chan, cunha escaleira para que poidas subir á hora de durmir.
Distintos tipos de camas altas
As camas altas teñen unha zona de durmir elevada, e podes utilizar o espazo que hai debaixo para unha serie de finalidades divertidas ou prácticas. Nisto todas se parecen. Mais, aínda que todas as camas altas comparten esta nobre función, varían no deseño, estilo e, sobre todo, a cantidade de espazo que teñen debaixo.
En IKEA, verás que simplificamos algunhas decisións para ti. Por exemplo, temos camas altas cun escritorio integrado debaixo, ou camas altas con solucións de almacenaxe prácticas, como caixóns ou armarios. As nosas solucións de almacenaxe integradas na cama aproveitan ao máximo o espazo que hai debaixo, posto que as dimensións deseñáronse para encaixar á perfección. Ademais, non terás que preocuparte por combinar dous mobles, xa que os estilos están deseñados para ir a xogo.
Pero se queres unha cama alta cun espazo baleiro debaixo, tamén a temos. A vantaxe é obvia: podes decidir exactamente o que queres pór debaixo, dende unha preciosa libraría ata un acolledor recuncho cun sofá e unha cadeira de brazos. Incluso podes crear o teu propio escritorio para estudar ou traballar debaixo da cama alta, e máis adiante utilizar o espazo para algo completamente distinto. O límite está no ceo, e coa cama alta poderás durmir máis preto del.
Cama alta de tamaño completo
A maioría das nosas camas altas son para un colchón de 90 cm de ancho. Este tamaño é axeitado para adolescentes e a maioría de adultos. Algúns clientes prefiren unha cama alta máis grande cun colchón máis ancho. Nese caso, a cama alta STORÅ ten espazo para un colchón de 140 cm para que poidas durmir ás túas anchas.
Os colchóns véndense por separado. Así podes escoller o tipo de colchón que mellor che conveña, sempre que as dimensións do colchón se axusten á estrutura da cama alta.