A igualdade, a diversidade e a inclusión converten o noso lugar de traballo nun fogar
En IKEA, dámosche a benvida sen que importe cal sexa a túa procedencia, en que creas, que aspecto teñas ou con que te acurrunches en fronte do televisor. Nin sequera nos importa como organizas os armarios da cociña. Gústasnos simplemente por ser ti e queremos que en IKEA esteas a gusto, porque todas as persoas merecen un verdadeiro fogar no que sentirse libres, auténticas e seguras.
- O 95% do equipo IKEA cre que IKEA fomenta a diversidade e a inclusión
- O 91% cre que pode ser quen é ao 100%
- O 87% do equipo sente que forma parte de IKEA.
- O 81% sente orgullo por traballar en IKEA.
A diversidade favorece a todas as persoas
Abrazar as diferenzas non só é bo para ti: tamén é bo para IKEA. Aprendemos que os equipos diversos teñen ideas mellores e máis variadas, e axúdannos a comprender e apoiar mellor as persoas que mercan en IKEA. Tamén nos axudan a medrar como organización. Despois de todo, cada persoa ten un xeito diferente de ollar para o mundo. Quen sabe? Quizais, a túa visión única de algo podería dar lugar a unha grande idea que contribúa a mellorar un pouco a vida de clientes e colaboradores/as no fogar.
Un lugar de traballo inclusivo é un lugar de traballo mellor
Non queremos que as persoas que traballan en IKEA pasen o día sen máis: queremos que prosperes, e iso só é posible se sentes que estás nun ambiente seguro e podes ser ti de verdade ao 100%. Ademais, cando te incorpores, queremos que quedes, porque temos pensado facer grandes cosas ao teu lado.
Algunhas medidas que tomamos para conseguilo
- Asinamos o acordo sectorial, para a implementación das medidas, para a igualdade e non discriminación das persoas LGTBI+.
- Unímonos ao programa Yes We Trans da FELGTBI+ para fomentar a inclusión laboral das persoas trans.
- Temos un plan global de inclusión LGTBIQ+, o que garante que IKEA sexa un lugar de traballo e un ambiente que acolle persoas de todas as orientacións sexuais e identidades de xénero.
- Formamos os equipos sobre inclusión e os prexuízos inconscientes cara ao colectivo LGTBIQ+. Estamos na Workplace Pride Foundation e en Stonewall, dúas organizacións centradas na inclusión LGBTIQ+ no lugar de traballo.
- Creamos de xeito conxunto e subscribimos os Principios de conduta da ONU para as empresas, co fin de loitar contra a discriminación das persoas LGBTIQ+ no lugar de traballo e na comunidade.
- Tamén pertencemos a Open for Business, unha coalición empresarial para promover a inclusión LGTBIQ+ na sociedade mundial.
Apoia as persoas LGBTI+ con STORSTOMMA
Sabemos que aínda queda moito camiño por percorrer. Por iso, os ingresos asociados á venda da bolsa STORSTOMMA que se acaden do 28 de xuño ao 4 de xullo irán destinados integramente a Yes We Trans, da FELGTBI+.
Equilibrio entre xéneros: porcentaxe de mulleres en IKEA en España
do cadro de persoal
do comité de dirección
en postos de xestión
O teu seguinte traballo? Ser quen es.
Cando veñas traballar connosco, queremos que traias todas as partes que compoñen a persoa que es: as que te enchen de orgullo, as complicadas e desordenadas, e as que aínda non tiveron a oportunidade de brillar. Para nós, a túa singularidade é unha vantaxe. En IKEA, todas as persoas teñen un fogar.