Ideas para maximizar o espazo en salas de estar moi pequenas

Os mobles flexibles que cumpren dúas funcións, como un sofá cama ou un puf con almacenaxe, poden axudarte a aproveitar mellor un espazo pequeno. Un carriño ou unha mesa auxiliar lixeira son doados de mover a onde queiras, así que non precisarás tanta almacenaxe arredor da estancia.

Eliminar elementos innecesarios pode facer que a túa sala de estar semelle máis ampla e relaxante. As portas corredizas SKYTTA poden axudarte a ocultar cousas, como o espazo de almacenaxe ou mesmo unha televisión, cando non queiras que estean á vista.

Coa almacenaxe e os mobles axeitados, podes gardar moreas de cousas nas paredes, aproveitando dende o chan ata o teito. Temos moitas opcións, polo que atoparás a que se adapte mellor ás túas necesidades e ao teu estilo. Se queres, podes empezar cunhas poucas pezas e aumentar máis adiante a túa almacenaxe.

Que pasa co espazo que non aproveitas? Por exemplo, uns ganchos ou un taboleiro perforado poden converter unha parede baleira nunha zona de almacenaxe útil. As caixas poden axudarte a gardar e organizar máis cousas en andeis ou armarios de parede. Cunhas mesas niño coma estas, podes colocar unha debaixo da outra para aforrar espazo cando non precises as dúas.

Dividir unha estancia pode axudarte a aproveitar mellor o teu espazo e crear a sensación dun fogar máis grande. Podes utilizar diferentes elementos como separadores de ambientes. Un estante KALLAX, por exemplo, ofrece almacenaxe, e podes personalizalo cos accesorios e caixas que queiras. En cambio, se utilizas cortinas, podes recollelas e unificar a estancia outra vez en cuestión de segundos.

Os espellos na parede reflicten a luz cara ao interior da estancia, o que fai que semelle máis luminosa e dinámica. Tamén crean a ilusión de que a estancia é máis ampla e aberta do que en realidade é. Podes utilizar un espello grande ou agrupar varios espellos pequenos.