Cinco consellos para crear o cuarto familiar definitivo

Crea áreas versátiles para diferentes actividades, como unha zona de estudo con mobles fáciles de mover (como este carriño e escritorio con rodas). Garda o material escolar no carriño, e quítao do medio facilmente cando xa non se vaia utilizar. Crea unha zona de xogo cunha alfombra de actividades e tendas que se pregan, de xeito que poidas liberar espazo no chan cando remate a hora de xogar.

Como o cuarto familiar é o centro de diferentes actividades, a almacenaxe é esencial para mantelo todo ordenado. A almacenaxe aberta é ideal para facilitar o acceso a libros ou xoguetes que se usan con frecuencia, por exemplo. Podes usar caixas para que todo pareza máis ordenado. Tamén podes optar por almacenaxe cerrada para conseguir unha expresión visual máis despexada.

Para conseguir certa privacidade, crea recunchos acolledores nos que todos poidan gozar de momentos de tranquilidade. Un chaiselongue (de costas a un sofá) ou unha cadeira de brazos xiratoria infantil son ideais para iso. Engade coxíns, mantas e peluches para que sexan aínda máis cómodos.

Ten en conta como usará a familia o cuarto e, en función diso, distribúe as zonas. Aquí, creamos unha illa de relax cun sofá de costas a un chaiselongue, e unha zona para estudar e facer manualidades debaixo das escaleiras. Aposta por unha mestura de iluminación ambiental, directa e xeral para crear un espazo acolledor e atractivo.

Transforma a túa estancia familiar nun cine cun simple tirón. Proxecta películas nun estor opaco para gozar dunha experiencia inesquecible. E non esquezas os teus aperitivos favoritos, que podes servir nun práctico carriño.