Sopa thai con albóndegas de proteína vexetal e noodles
Proba a esencia dos sabores umami e goza das marabillosas texturas desta sopa thai con albóndegas proteína vexetal HUVUDROLL, verduras e noodles: a cea perfecta para entrar en calor nunha noite fría.
Contén peixe | Porcións: 4 | Tempo: 20 minutos
Ingredientes:
360 g de albóndegas de proteína vexetal HUVUDROLL (aprox. 24)
1 dl de cebola torrada ROSTAD LÖK
4 porcións dos noodles precociñados que prefiras
1 cebola amarela
2 dentes de allo
1 cullerada de xenxibre, picado moi fino
2 cenorias 100 g de chícharos doces
1-2 culleriñas de pasta de curry verde
5 dl de caldo de verduras
4 dl de leite de coco
1 culleriña de aceite de sésamo
2 culleriñas de salsa de peixe (ou unha alternativa vexetariana)
1 culleriña de sementes de sésamo
1/2 lima, zume e reladura
Aderezos
Chile
Ceboliña
Coandro
Paso a paso:
- Pica a cebola amarela, o allo e o xenxibre moi finos. Pela as cenorias e córtaas en rodas ou paus finiños. Corta os chícharos doces en anacos finos.
- Quenta o aceite nunha cazarola fonda a lume medio e engade a cebola, o allo e o xenxibre picados, e mais a pasta de curry. Sofrixe os ingredientes ata que estean tenros.
- Engade o caldo de verduras, o leite de coco, o aceite de sésamo e a salsa de peixe. Cociña a lume lento durante 10 minutos.
- Namentres, frite as albóndegas de proteína vexetal HUVUDROLL en aceite coas sementes de sésamo.
- Sazona a sopa con sal e mais zume e reladura de lima.
- Corta ou pica o chile, a ceboliña e o coandro.
- Engade os noodles, as albóndegas de proteína vexetal HUVUDROLL e as verduras á sopa antes de servir.
- Coroa a sopa co chile, a ceboliña, o coandro e a cebola torrada.
