Ideas de distribución da cociña para utilizala mellor

Talvez escoitaches falar do triángulo da cociña, un sinxelo principio de distribución que axuda a que o traballo na cociña flúa sen problemas e de forma segura entre o vertedoiro, os fogóns e o frigorífico. Se estás a planificar unha nova cociña, velaquí tes algunhas cousas que debes ter en conta para conseguir o mellor fluxo de traballo.

Unha cociña con frontes de caixóns STENSUND brancos e portas de vidro, mesados de efecto carballo e un vertedoiro branco con fronte vista.

Por onde empezar?

Independentemente do tipo de distribución que esteas planificando, a idea principal é utilizar o vertedoiro como punto de partida e logo colocar a cociña e o frigorífico de xeito que sexan igualmente fáciles de alcanzar. Esta distribución fai que a cociña sexa máis segura e eficiente, posto que acurta a distancia que tes que recorrer cando vas rápido dun lado a outro.

Velaquí todos os vertedoiros e billas de cociña

As esquinas dun triángulo amarelo marcan un vertedoiro HAVSEN branco con fronte vista, unha placa de indución e un frigorífico/conxelador.

Velaquí todos os vertedoiros e billas de cociña

Amplo espazo para traballar

Asegúrate de ter suficientes superficies de traballo para poder cociñar. Sobre todo, é intelixente deixar espazo para un mesado xeneroso entre o vertedoiro e a placa. É probable que colocar preto a clasificación de refugallos e a lavalouza che resulte moi útil.

Velaquí todos os mesados de cociña

Unha cociña con frontes de caixóns brancas e portas de vidro, mesados SÄLJAN efecto carballo, unha placa de indución e unha lámpada colgante negra.

Velaquí todos os mesados de cociña

Todo xusto onde o necesitas

Cando planificas a almacenaxe, polo xeral, é boa idea colocar as cousas o máis preto posible de onde máis as utilizas. Arredor da placa, utiliza caixóns ou armarios para as potas, tixolas e utensilios de cociña, de xeito que sempre che resulte fácil acceder a eles. O mesmo ocorre cun caixón de especias ben organizado.

Velaquí todos os organizadores de interior

Unha pota IKEA 365+ con tapa sobre unha placa de indución negra, con caixóns de cociña abertos debaixo con potas, fontes para o forno e especias no interior.

Velaquí todos os organizadores de interior

Pensaches nos electrodomésticos?

É bo empezar a pensar que electrodomésticos queres xa nas primeiras etapas de planificación, para asegurarte de que podes colocalos na mellor localización.

Velaquí todos os electrodomésticos

Ilustracións que mostran a distribución dunha cociña dun só lado, de dous lados, en forma de L e en forma de U, ademais dunha cociña con illa.

O triángulo da cociña en funcionamento

Aquí podes ver algúns exemplos do triángulo da cociña aplicado a diferentes distribucións de cociña. Atopa a distribución máis próxima ao que tes en mente e considérao como un punto de partida aproximado cando planifiques a túa propia cociña.

1 Cociña dun só lado

2 Cociña de dous lados

3 Cociña en forma de L

4 Cociña en forma de U

5 Cociña con illa

Visualiza a túa nova cociña

Comezar a planificar a cociña e ver como se integra é rápido e doado co configurador de cociñas. Só tes que escoller a configuración e o estilo, e personalizalos para que se axusten perfectamente a ti.

Inicia o planificador de cociñas IKEA