Boliños con granola para o almorzo
Esperta á túa familia cuns boliños recentemente enfornados para almorzar. Con esta receita, só te terás que levantar 20 minutos antes ca eles para preparalos.
Porcións: 6-12 | Tempo: 15 + 20 minutos
Ingredientes:
Boliños con granola para o almorzo
4 dl de granola HJÄLTEROLL
Unha culleradiña de fermento en po
4 dl de auga fría
2 dl de iogur natural
1 dl de fariña de centeo
8 dl de fariña de trigo
Unha culleradiña de sal mariño
Paso a paso:
- Mestura o fermento en po co resto dos ingredientes secos. Engade a maior parte da granola e reserva algo para a cobertura dos boliños antes de enfornalos. Deixa repousar a mestura durante 10 minutos. Engade a auga e o iogur, e remove a masa ata que se pegue.
- Esparexe algo de fariña sobre a masa e envólvea en filme de plástico. Métea no frigorífico toda a noite ou 12 horas como mínimo. Despois de 12 horas, a masa duplicará o seu tamaño.
- Quece o forno a 200 °C.
- Coloca a masa sobre o mesado con algo de fariña e elabora 12 boliños con ela.
- Coloca os boliños nunha bandexa de forno con papel para enfornar e esparexe a granola. Déixaos subir uns 15 minutos.
- Enforna os boliños durante 20-25 minutos ata que teñan unha boa cor e estean feitos por dentro. A gozar dos teus boliños con granola caseiros!
