Organización perfecta cun estilo escandinavo clásico

Goza da tranquilidade dun espazo ben organizado. Hai unha decisión consciente tras cada detalle e lugar designado para os artigos desta cociña, que combina un aspecto elegante e moderno con multitude de posibilidades de almacenaxe (incluídos organizadores interiores).

Unha cociña pequena e sinxela con frontes VOXTORP de efecto carballo con tiradores integrados e unha lámpada colgante SKURUP negra.

Unha cociña elegante e estilizada

Co seu deseño sinxelo e os tiradores integrados, estas frontes destacan o efecto carballo e confiren un aspecto moderno a esta cociña, que zumega calidez e personalidade. O ambiente acolledor lógrase mediante tiras de iluminación regulables que se poden conectar á aplicación IKEA Home smart para alternar entre unha luz eficiente para traballar e unha iluminación ambiental máis suave.

Velaquí toda a iluminación intelixente

Armarios de cociña con frontes VOXTORP de efecto carballo e tiradores integrados, e un lavadoiro cunha billa de cociña ÄLMAREN.

Velaquí toda a iluminación intelixente

Organiza os caixóns da túa cociña

Cociña e monta a mesa con alegría. Ao ter os cubertos e utensilios perfectamente ordenados en bandexas dentro do caixón da cociña, sempre atoparás o que precises. Personalizar os caixóns da cociña con organizadores interiores permite aproveitar o espazo de maneira óptima e manter os utensilios de cociña en perfecto estado.

Velaquí todos os organizadores de interior

Unha bandexa para utensilios UPPDATERA e unha bandexa para cubertos UPPDATERA, as dúas en bambú claro, colocadas nun caixón de cociña aberto.

Velaquí todos os organizadores de interior

Espazo para ti e para a boa compaña

Goza dun descanso nun recuncho tranquilo cunha superficie de traballo personalizada (os tallos altos, de altura regulable, poden meterse debaixo cando non se usen). Un andel de pouca profundidade é ideal para gardar os teus obxectos favoritos e manter a superficie despexada, mentres que un andel no peitoril deixa espazo para un testo con herbas frescas.

Unha cociña con frontes VOXTORP de efecto carballo e tiradores integrados, e dous tallos altos DALFRED negros ao lado do mesado.

Un andel adicional VARIERA branco ao lado dun testo grande nun peitoril, con varios testos pequenos debaixo e enriba.

Maximiza o espazo de almacenaxe en toda a túa cociña

Se tes unha parede na que non cabe un armario, engade ganchos: son perfectos para as cousas que queres ter gardadas pero á man. Un armario estreito ao lado do vertedoiro é ideal para os cepillos para lavar a louza e para o xabón, e podes engadir máis espazo de almacenaxe cun recipiente con ventosas e que, por tanto, non precisa buratos na parede. Comodidade e organización na súa máxima expresión.

Un gancho pregable KLYKET en aluminio e beixe cunha bolsa pendurada; está fixado á parede dunha cociña preto dunha fiestra.

Un recipiente ÖBONÄS en verde agrisado con ventosa montado no interior da porta aberta dun armario VOXTORP con efecto carballo.

Almacenaxe optimizada de estilo moderno escandinavo

Esta cociña en paralelo, pequena pero moi funcional e ideal para a túa atafegada vida diaria, permíteche ocultar os artigos de cociña detrás de elegantes frontes cun efecto carballo cálido e acolledor. Os tiradores integrados crean un aspecto estilizado e moderno, cun ambiente apracible que realza a estética dos obxectos persoais que elixas deixar á vista.

Velaquí todas as portas e frontes de caixóns de cociña