Ideas accesibles e intelixentes para unha oficina (e alternativas máis sinxelas)

Cambiar de cando en vez a posición de estar sentado a de pé axúdate a mover o corpo para que te sintas mellor mentres traballas. Un escritorio elevable é fácil de axustar. Algúns teñen botóns eléctricos (e memoria). Outros utilizan pancas ou resortes de gas. O teu reloxo intelixente tamén podería detectar se cambias de posición.

Non hai nada mellor para levantar o ánimo un luns pola mañá que a túa listaxe de reprodución favorita. Os nosos altofalantes SYMFONISK quedan xenial na túa oficina e poden conectarse por wifi co teu dispositivo para escoitar música, un podcast ou a radio. Os altofalantes Bluetooth son fáciles de conectar e de utilizar. A maioría dos altofalantes Bluetooth son tamén portátiles, así que lévaos á cociña e goza como se fose venres.

Todas as persoas saben que as lámpadas non saben escribir, pero poden facer máis do que cres. Unhas lámpadas e unhas tiras de iluminación intelixentes ofrecen moitas posibilidades: podes empregar unha aplicación para acendelas e apagalas, podes regular a luz, cambiar dunha luz cálida a unha fría ou configurar temporizadores. Tamén dispoñemos de solucións con mando a distancia. Ou pode que che vaia mellor unha lámpada con carga sen fíos, cun porto USB-C ou cun regulador táctil.

O po e o pole non traen nada bo, así que mantenos afastados. Co purificador de aire STARKVIND e a aplicación IKEA Home smart, teralo todo controlado e poderás configurar temporizadores ou elixir entre o modo de traballo ou o modo nocturno para mellorar a calidade do aire. Tamén podes instalarlle un filtro de gas para reducir os contaminantes e os malos olores. UPPÅTVIND é a nosa opción con axuste manual (só dispón de filtro de partículas).

Algúns documentos é mellor que estean ben gardados e fóra da vista de calquera, ben sexan unhas listaxes con contrasinais escritos á man, ben uns documentos confidenciais da empresa ou uns documentos fiscais. Se o desexas, poderás pechar con chave case calquera armario ou caixón coa pechadura SOLSTOL fácil de montar. Tamén podes elixir unha solución de almacenaxe con pechadura integrada ou cun mecanismo de peche no que poidas colocar un cadeado.