Como organizar un espazo para o teu hobby no teu propio dormitorio

Atopaches a túa paixón, pero precisas facerlle oco no teu dormitorio? Sexa cal for o teu hobby ou o tamaño do teu cuarto, aquí tes tres zonas cheas de ideas prácticas e inspiradoras. Desde un espazo facilmente substituíble ata unha configuración permanente digna de profesionais ou unha zona creativa sen escritorio: crea un espazo para o teu hobby sen renunciar ao ambiente relaxado do resto da estancia.

Unha libraría BILLY branca cunha mesa pregable nunha parede de madeira clara cun foco LED de pinza NÄVLINGE no último andel.

O segredo dun espazo facilmente substituíble para os teus hobbies? Os mobles multifuncionais!

Se non tes espazo dabondo, ou preferirías non estar vendo sempre as cousas que usas para os teus pasatempos, crea un espazo que apareza e desaparecer cando queiras. Aquí é onde entran en xogo os mobles multifuncionais, como a enxeñosa biblioteca BILLY con mesa pregable. Só terás que despregar a mesa para sacar a relucir o teu lado creativo. Está unida a tres amplos andeis, así que pode ser todo o que necesitas para o teu hobby.

Achega un tallo para que faga as veces de mesa auxiliar cando estea libre e engade unha lámpada LED de pinza para ter ben iluminada a túa área de traballo mentres dás renda solta á túa creatividade. Remataches? Coloca as cousas que utilizas para o teu hobby (creacións incluídas) nos andeis, encarta a mesa e goza da calma ao instante. O único que cambiou é a decoración.

Un tallo DOMSTEN en lila e piñeiro xunto a unha libraría BILLY con mesa pregable en branco. Encol da mesa, hai diversos materiais para traballos manuais.

Un kit de debuxo SOLFÅGEL nun estoxo enrolable e unha cunca rosa sobre a mesa despregada dunha libraría BILLY con mesa pregable.

Todo o que precisas para creares un escritorio multifuncional

Un escritorio só para o teu hobby que sempre estea dispoñible cando che veña a inspiración

Se tes oco no teu dormitorio para configurar un espazo permanente para o teu hobby, a por el! Escolle un lugar que che guste sen que quede raro. Unha boa iluminación é esencial. Elixe un foco ou dous e inclúe iluminación ambiental para o escritorio. Se tes preto unha xanela, mellor que mellor. A luz natural mellora o estado de ánimo, e axuda coa visibilidade xeral e coa combinación de cores.

Divide o teu dormitorio en zonas para definir claramente o espazo creativo e onde vas gardar todos os materiais. Se non atopas a almacenaxe exacta que precisas, deixa voar a imaxinación! Neste caso, gardáronse os rolos de fío en soportes para plantas DAKSJUS.

Asegúrate de poder despregar todos os materiais mentres traballas. Ao colocar estes dous escritorios ALEX un xunto ao outro, conseguirás moito espazo sen sacrificar a estética. Unha cadeira cómoda é esencial: escolle unha que realce o estilo do teu dormitorio.

Dous escritorios ALEX en branco nun dormitorio asollado, colocados un xunto ao outro e creando unha zona para practicar un hobby cunha cadeira de confidente FJÄLLBERGET diante.

Unha solución de almacenaxe personalizada, adaptada ao teu hobby e ao escritorio

Nos momentos de maior creatividade, non quererás distraerte buscando o que precisas porque esqueciches onde está cada cousa. Garda os utensilios e materiais preto, ou mesmo encima do escritorio, para telos sempre organizados e á man. Considera o seu tamaño e forma, e personaliza a solución de almacenaxe para aproveitar ao máximo o espazo. Velaquí tes algunhas ideas:

As solucións de almacenaxe sobre o escritorio, como unha minicómoda MOPPE, son perfectas para gardar materiais e utensilios pequenos á man.
Dálle un aire novo a un taboleiro perforado SKÅDIS. Podes complementalo cun cordón elástico para almacenar os rolos de papel ou as teas de forma ordenada.
Un cable fino para cortinas pendurado enriba do escritorio ou ao longo dunha parede é unha solución fantástica para colgar as túas creacións se non pesan demasiado.

Tres taboleiros perforados SKÅDIS brancos dispostos verticalmente nunha parede con ganchos e un cordón elástico para suxeitar rolos de papel.

Un toalleiro SKOGSVIKEN negro nunha parede de madeira con distintos tipos de teas xunto a un escritorio cunha lámpada FLOTTILJ enriba.

Un soporte para plantas DAKSJUS de bambú sobre un escritorio branco con varias bobinas de fío de cores e unhas tesoiras preto.

Accesorios prácticos para organizar o espazo para o teu hobby

Velaquí todas as solucións de almacenaxe e os organizadores pequenos

Saltar a listaxe

Escritorio minimalista branco con pernas metálicas e dous caixóns para almacenamento compacto.

Baixamos o prezo

Non necesitas un escritorio para o teu hobby? Reserva un recuncho!

Se non precisas un escritorio para dedicalo ao teu hobby, podes crear un espazo personalizado. Se precisas un espello, convérteo no centro de atención e pon as solucións de almacenaxe e os asentos ao redor. Para definires o espazo, coloca as solucións de almacenaxe, tanto se son independentes como estantes fixos, nas paredes nas que sexa posible. Poderás resaltar o espazo do xeito seguinte:

Pon caixas e cestas nos andeis para organizar os materiais e utensilios.
Os mobles de caixóns pequenos, como a minicómoda MOPPE, permiten ordenar os accesorios pequenos, ademais de achegar un estilo propio.
Os ganchos son outro bo xeito de integrar as creacións e ideas na decoración.
Móstralles as túas elaboracións a un público máis amplo, como o das redes sociais, cun anel de luz LÅNESPELARE para que se vexan ben.

Unha minicómoda MOPPE de piñeiro sobre un andel branco con accesorios para o cabelo ao redor e un espello NISSEDAL branco á beira na parede.

Dálle un toque creativo ás solucións de almacenaxe para maximizar o espazo

Dálle un xiro inesperado ao teu colgadoiro e úsao como almacenaxe vertical para as cousas relacionadas co teu hobby. Como os materiais que uses poden ser de todos os tamaños e formas, quizais a mellor forma de gardalos non sexa a máis evidente. Saca o teu enxeño e pensa no que sería máis útil para as túas cousas nese espazo.

Grazas á súa forma divertida e espazosa, este colgadoiro ÄLGANÄS tamén pode ser ideal para os accesorios para o cabelo. O paraugueiro da base agora contén unha frondosa planta artificial FEJKA de follas verdes, que non precisa terra nin auga.

Velaquí todos os colgadoiros e barras para colgar a roupa