Saltar
GL ESgalego

Un dormitorio xuvenil onde pasar o día

Cunha cama multifuncional con espazo de almacenaxe no centro, este cuarto xuvenil pode adoptar tres formas diferentes (cada unha coa súa propia iluminación): un recuncho acolledor para durmir, unha zona para estudar e conectar cos amigos en liña, e un espazo de desconexión. Así, non haberá hora do día que non queiran pasar no seu cuarto.

Dormitorio xuvenil con estrutura de cama PLATSA, estantes con obxectos e cestas no extremo, e unha alfombra amarela sobre o chan.
Dormitorio xuvenil con estrutura de cama PLATSA, estantes con obxectos e cestas no extremo, e unha alfombra amarela sobre o chan.

Unha cama cómoda con espazo de almacenaxe

Esta estrutura de cama con almacenaxe é perfecta para manteres o cuarto limpo e ordenado. No estate aberto podes gardar caixas e libros, e exhibir os teus obxectos favoritos. Tamén ten un armario moi espazoso onde gardar a túa roupa. O mellor? En conxunto, estes elementos crean un espazo acolledor ideal para descansar, noite tras noite.

Velaquí todas as camas con almacenaxe
Estrutura de cama PLATSA branca con almacenaxe e roupa de cama de cadros negros e brancos. Nos estantes hai varias cestas e obxectos.
Velaquí todas as camas con almacenaxe

Durme entre cortinas

As cortinas serven para máis que tapar as fiestras: son unha solución xenial para conciliar o sono. Deixa que as súas cores calmas e elegantes envolvan a túa cama para crear un recuncho relaxante, e completa o conxunto con roupa de cama cómoda que te aloumiñe mentres caes nos brazos de Morfeo.

Velaquí todas as cortinas e estores
Estrutura de cama PLATSA branca con almacenaxe, roupa de cama de cadros e coxíns de cores. Detrás, unha cortina rosa.
Velaquí todas as cortinas e estores

Espazo para todo

Con esta solución de almacenaxe pechada e aberta na parede, resultarache moi doado manter o escritorio limpo e ordenado. Os armarios e os caixóns permitiranche ter á man o teu equipo gaming e os apuntamentos da universidade. Ademais, o armario extra é perfecto para gardar os vestidos ou traxes de festa. E, coa iluminación, podes crear diferentes ambientes segundo o que vaias facer: xogar, estudar, falar cos amigos…

Velaquí o sistema PLATSA
Cadeira gaming gris diante dun escritorio gaming gris con pantallas e accesorios rodeados por un sistema de almacenaxe PLATSA.
Velaquí o sistema PLATSA

Comodidade con estilo

Con esta cadeira ergonómica podes facer de todo, desde falar cos teus amigos en liña e retomar os estudos ata pasar varias horas seguidas xogando. É cómoda e permite manter unha boa postura sen interpoñerse no teu camiño ou limitar o teu estilo.

Velaquí todos os mobles de gaming
Cadeira gaming UTESPELARE gris diante dun escritorio gaming gris claro con dúas pantallas, unha lámpada de escritorio e un teclado.
Velaquí todos os mobles de gaming

Un espazo para festas privadas

Utiliza a cama para tapar os estantes e a zona de traballo detrás dunha cortina e xa tes o fondo perfecto para desconectar. Tan só queda engadir un sofá pequeno, un par de cadeiras sinxelas e lixeiras, unha mesa de café e uns cantos amigos para gozar dunha noite de troula.

Velaquí todos os mobles
Dúas cadeiras sinxelas, unha cun coxín rosa, e un sofá KLIPPAN ao redor dunha mesa de almacenaxe KVISTBRO sobre unha alfombra LANGSTED amarela.
Velaquí todos os mobles

Cóntanos a túa experiencia!