Ideas para un dormitorio ordenado en madeira escura que transmite lixeireza.

Se temos en conta o pequenas que son, é incrible como pode cambiar o aspecto e o ambiente dunha estancia cunha simple bombilla. Asegúrate de acompañar a fonte de iluminación principal con outras máis pequenas. Para conseguir un bo equilibrio na estancia sen romperes a cabeza, planifica unha iluminación distinta para cada zona en función da actividade que se vaia realizar. Para rematar, mais non por iso menos importante, a máis iluminación de intensidade regulable, maior facilidade para conseguir a iluminación adecuada para cada momento do día.

Este espello é fermosísimo, aínda sen o teu reflexo! Os ganchos decorativos da parede do lado son perfectos para planificar a roupa do día seguinte, ventilar o que puxeras ese día ou, simplemente, expor as túas pezas de roupa favoritas. Todo o conxunto reflicte a túa personalidade e estado de ánimo.

Si, RÅDMANSÖ é un soño feito realidade se estás a buscar unha mesa de noite que sexa tan bonita por diante como por detrás, que teña un andel para expor as cousas que máis che gusten, que inclúa un caixón para gardar o que queiras e que, ademais, inclúa a función de organización de cables intelixente dentro dese mesmo caixón. Todo nun estilo de mediados de século, unha tonalidade nogueira cálida e un caixón co interior azul escuro que, acompañado polo tirador de latón, fan dela a opción perfecta.