Unha festa de Halloween horriblemente divertida

Quedamos con Mónica e os seus dous fillos, Oliver (8 anos) e Amaya (5 anos), para que nos explicasen como celebraban eles Halloween. «Gústame decorar a casa, pero sen complicarme demasiado; doulles máis importancia aos disfraces e os doces», explica Mónica. É o que máis nos gusta! Só hai que tinguir un mantel branco con pintura vermella e cortar os bordos para que teña un aspecto esfarrapado. Se queres facer algo máis orixinal, tamén podes encher un par de medias con algodón e atalas a unha vasoira para despois colgala enriba da mesa.

Para Halloween, Mónica sempre prepara unha sopa «sanguenta» para os nenos. Nós puxémoslle «ollos» (bólas de mozzarella e olivas recheas de pemento) para que estivese máis «terrorificamente boa». Tamén se pode decorar o prato cuns dedos de bruxa. Para facelos só tes que poñer colorante verde a unhas manteigadas, darlles forma, e colocarlles unha améndoa enriba a cada un (a xeito de uña...).

O personaxe favorito de Oliver. Para Oliver, o protagonista principal de Halloween é Drácula. Axudámolo a facer un cunha pelota de peluche, un mantel branco, un cono do noso xogo de puntaría LATTJO e un pano da mesa de tea negra. Oliver retocouno e pintoulle a cara.

Rematou a festa? Non esteas tan seguro. Regala aos convidados un detalliño para que o leven á casa. Enche uns tarros pequenos con xelatina vermella e méteos no frigorífico. Para facer os ollos, envolve un anaco pequeno de chocolate con mazapán, fai unha bóla, debúxalle as veas con glaseado vermello e ponlle mazapán verde coma se fosen as pupilas.