Trasteira? Un sitio para aquelar bicicletas? Un lugar no que estar ben a gusto? Todo iso á vez e nun
Converte a túa trasteira en algo útil. Organiza a trasteira de xeito que poidas gardar as cousas de exteriores e deixar un sitio no que descansar.
Reserva un sitio para ti
As cadeiras encasteladas e outros mobles de exteriores están a agardar por ti. Mesmo se están ben dispostos, de xeito que se aproveite o espazo, emprega algúns deles para facer un recuncho no que poder dedicarte un tempo.
Usa a luz que queres por máis tempo
Para evitar que as grilandas de luces rematen enredadas, procura non enrolalas. Simplemente déixaas pendurar. Crearán o ambiente que che faga querer volver a casa.
Sitio para almacenamento e decoración
Os estantes grandes ofrecen moito espazo de almacenamento. Se cadra, mesmo lles queda algún anaco libre. Aprovéitao para poñer plantas de inverno e engade candeas LED para crear un ambiente cálido e confortable.
Funcional, visual e musical
Mantén as túas ferramentas organizadas cun taboleiro de caravillas que poidas deseñar segundo precises. Por suposto, non todo vai ser traballar. Tamén haberá un sitio para folgar, non?
As trasteiras ateigadas quitan espazo (e enerxía!). Paga a pena organizar as cousas como é debido. Terás máis sitio para outras actividades e a tranquilidade de poder aproveitalas".”
Geneviève Jorn, deseñadora de interiores de IKEA
Planea as túas saídas sobre dúas rodas
Os ganchos non só che permiten quitar a bici do medio, senón que tamén son un bo soporte de exposición. Descansa e imaxina onde poderedes ir ti e maila túa bici cando a saques de aí.
Un espazo para as túas tarefas favoritas
Calquera espazo diáfano é ideal para as tarefas do inverno. Os mobles fáciles de mover, como os carriños con rodas, permítenche facer sitio e mover os accesorios dun proxecto a outro.
Mantemento ben pensado
Ter todo no seu sitio é unha forma de liberar enerxía. Gárdaa para o que de verdade che importa, fai unha pausa para un café de cando en vez e verás como o inverno pasa axiña.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Deseño de interiores: Geneviève Jorn
Fotografía: Emma Engkvist
Texto: Henrik Annemark
