Ideas para decorar un piso de solteiro
Vivir só ten tantas vantaxes que poderiamos pasar horas numerándoas... Pero preferimos facer unha selección de ideas para decorar un piso de solteiro de primeira.
Querido solteiro:
Hai quen pensa que estar só na casa é aburrido, que é algo triste e que se o facemos é porque non queda outra. Porén, vivir só tamén ten moitísimas vantaxes. E a primeira é decorar, amoblar e ordenar a casa como ti queiras. Por iso, se vés buscando ideas para decorar un piso de solteiro, parabéns! Imos recorrer un piso de solteiro no que verás a cantidade de cousas que podes utilizar para facer do teu piso un auténtico refuxio persoal. Encontra a túa inspiración...
Un piso de solteiro con cociña americana
Se tiveres a oportunidade, podes pensar na opción de unir salón e cociña nun único espazo. Os espazos abertos amplían e dinamizan os fogares, ademais de seren ideais se adoitas recibir convidados na casa.
Neste marabilloso piso, ao cociñar, comer e vivir nun único espazo, empregáronse cores e materiais que unisen visualmente as áreas. A madeira, o símil a coiro do sofá LANDSKRONA e o vidro conectan o espazo e crean unha contorna moderna e actual, mais tamén cálida e acolledora. Decorar un piso de solteiro é facelo ao teu gusto!
Na cociña, a mestura de almacenaxe aberta e pechada pon orde e personalidade. Ademais, este tipo de almacenaxe permíteche decidir que queres ter ao alcance da man, o que che facilita incriblemente a vida á hora de cociñar ou coller uns petiscos para os amigos que fan visitas sen avisar. Cómpre estar preparados!
Cama individual? Diso nada!
Aínda que durmas só a maior parte do tempo o mellor é unha cama dobre que che permita descansar pracenteiramente. Dentro das nosas ideas para decorar un piso de solteiro non podían faltar os téxtiles de cama.
E é que neste piso queriamos facer unha cama tan acolledora e mol que, unha vez dentro, non quixeses saír xamais. Para iso empregamos capas de téxtiles brandos en materiais naturais (en IKEA apostamos polo 100 % algodón), deste xeito dámoslle a este dormitorio cotiá un aire semellante ao dun hotel de luxo.
E logo hai algo máis importante que a túa propia comodidade e descanso?
Un armario organizado con tino
Sabemos ben que cando vivimos só podemos estar máis que tentados de que todo acabe desordenado e feito un verdadeiro desastre. Por favor, fai algo antes de que ocorra iso!
Utiliza cestas e caixas para mellorar e aproveitar o espazo do teu armario. Concéntrate en agrupar elementos e prendas semellantes e en crear visibilidade dentro do teu armario: pensa que cando podes ver axiña todo o que tes, aforras tempo e enerxía.
Ademais, se o teu armario é un PAX podes personalizalo cos divisores KOMPLEMENT ou con estantes de vidro e iluminación integrada.
Fai un uso intelixente do teu armario. Mantén ao alcance da man a roupa que precisas para a tempada. A que non utilices durante eses meses, lávaa, empaquétaa e gárdaa noutro sitio. Crea espazo e alonga a vida da túa roupa!”
Un colgadoiro para a roupa da semana
Pensa que no teu piso de solteiro, todo o espazo que tes é para ti. Así que non teñas medo de engadir solucións de almacenaxe e orde extra en calquera recanto que che apeteza.
Unha forma de facilitarche moitísimo o día a día é colocar a roupa que vas poñer esa semana nunha guía ou colgadoiro de roupa. Só terás que dedicarlle un anaco á semana para preparares o que queiras poñer durante o resto dos días, ou ao día seguinte.
Ollo, tamén é moi boa opción para non ter a típica cadeira ateigada de roupa que xa puxeches pero que aínda non está sucia...
Ideas para decorar un piso de solteiro: ser un mesmo!
Pensabas que este piso de solteiro que recorremos era moito máis grande? Que va! Este loft é un espazo máis ben pequeno, pero ben equipado, tranquilo e acolledor, moderno e con fantásticas solucións de almacenaxe, sobre todo de tipo aberto. É versátil e cheo de vida. Coma ti! Así que xa o sabes, converte o teu piso no fogar perfecto para o teu inquilino máis importante, ti!
Parecéronche interesantes estes consellos para saber como decorar un piso de solteiro? Se é así, tes que ver a nosa posta en práctica no seguinte vídeo do noso programa de YouTube "Pregúntalle a Allen".
