Un estudio en movemento: unha sala de estar flexible nun apartamento de planta aberta

O espazo onde se xogan de intensas partidas de xadrez, se ven moitas series e se devoran novelas e comidas. Dámosche a benvida ao atarefado corazón do fogar desta familia de catro membros: unha sala de estar extremadamente flexible que configuran como queren.

Dous adolescentes que van ao instituto sempre teñen tarefas que facer. Aínda que teñen os seus propios escritorios, gústalles variar e con frecuencia acaban na sala de estar sentados nun dos sofás modulares ou deitados ao sol nun banco de almacenaxe con coxíns. Grazas ás lámpadas de pé, sempre hai unha fonte de luz dispoñible e teñen cargadores á man para que os seus dispositivos sigan funcionando, sen escusas.

Un fogar realmente práctico centrado na almacenaxe cunha sala de estar acolledora. Os acentos cálidos dos tecidos verdes suaves quedan xenial, pero a galería de cadros e fotografías da parede engade unha capa máis de intimidade.

Un xogo de mesa? Un crebacabezas? Ti elixes. Esta zona de comedor pode prepararse para o seguinte torneo familiar de xogos de mesa e na mesa bandexa, doada de mover pola cociña en canto terminen os xogos e a diversión, podes colocar todas as bebidas e os petiscos.

Aínda que as aventuras ao aire libre son a actividade preferida desta familia, tamén lles gusta moito ver películas pola noite. As alfombras e os coxíns fornecen unha maior comodidade, mentres que os sofás modulares permiten reconfigurar o espazo para ver mellor a imaxe do proxector e pódense volver colocar no seu lugar cando acaba a sesión.