Como vestir unha cama con moito estilo
A cama, ademais de ser o lugar onde pasamos 25 anos da nosa vida durmindo (ou iso din), é a protagonista indiscutible do noso dormitorio. Por iso, saber como vestir unha cama é bastante importante.
Saber elixir a roupa de cama deber ser unha decisión que se ten que tomar non só en base ao estilo ou ao deseño, senón que tamén cómpre ter en conta a temperatura do teu dormitorio e a túa propia. Mantas, colchas e coxíns son os elixidos para saber como vestir unha cama de matrimonio ou con funda nórdica. As cores, lisas ou estampadas, tamén influirán no noso descanso.
Como ter unha cama de soño
Todos vimos máis dunha vez as camas con sabas, colchas, almofadas... todo colocado con moitísimo estilo. Empecemos polo que sempre nos gusta máis a todos, os coxíns!
1. Coxíns para todos
Que é unha cama sen coxíns apoiados sobre a almofada! Non é nada. Pois este é o primeiro dos nosos consellos sobre como vestir unha cama. Agrúpaos por tamaños, de máis grande a máis pequeno, sempre os máis grandes contra o cabeceira da cama. Ademais, os coxíns ou as almofadas axudarannos a cambiar o noso dormitorio sen facermos grandes investimentos. Tamén nos axudarán a cambiar de tempada o cuarto e a cama.
2- Vestir unha cama con cores que transmitan serenidade
Se queres saber como vestir unha cama de matrimonio que transmita serenidade, paz e tranquilidade, as túas cores son os tons neutros, brancos e crus. Pero coidado, porque te podes pasar e facer que resulte un estilo demasiado frío. Por iso recomendámosche usar elementos en tons cálidos como fibras naturais, alfombras con textura... Algo que rompa a frialdade do branco.
3- Usa as cores para vestir a túa cama
Podes partir de sabas e fundas de almofada en cores como o branco e pintar a túa cama con fundas nórdicas de cores ou estampadas. Para non sobrecargar a túa cama en exceso cando a vistas, recomendámosche non usar máis de catro estampados diferentes.
Ou se queres experimentar, tamén podes optar polo contraste do branco e o negro con estampados xeométricos.
4- Viste unha cama conxuntada cos complementos do teu dormitorio
Algo que sempre funciona é a combinación de cortinas ou mantas e o téxtil da túa roupa de cama. Por exemplo, os tons azuis combináronse moi ben na roupa de cama, as cortinas e a manta aos pés da cama.
Ou se o que queres é saber como vestir unha cama elegante, proba a combinar algún coxín no mesmo ton que as cortinas.
Outro elemento moi socorrido é a mantiña aos pés da cama. Pode ser a cereixa derriba do bolo que a túa cama precisa.
Para rematar, e non menos importante, é imprescindible saber como facer a cama perfecta. Contámoscho no seguinte vídeo:
