A illa dos teus soños: 4 versións da raíña das cociñas
A cociña é unha estancia polivalente; pasamos tanto tempo nela que debemos aproveitar ata o último centímetro. Cal é a clave para aproveitar ben o espazo e gozar dunha cociña realmente funcional? Ter unha illa de cociña. Aquí mostrámosche como utilizamos nós as illas para poder gardar moitas cousas, comer, enfornar e gozar da compañía de amigos.
1. UNHA ILLA PARA COMER. Se a túa cociña é diminuta e non podes poñer unha mesa, faite cunha solución multifuncional como esta. Pon un ou dous tallos altos e poderás utilizala para comer, ler e gardar a louza.
2. EXPÓN A VAIXELA nunha illa grande e aberta. Esta tamén che permite compartir con amigos unha deliciosa comida da casa. Vantaxe adicional: dispoñerás de máis espazo libre nos armarios.
3. IDEAL PARA COMER NA CASA. Nesta illa de cociña de aceiro inoxidable con rodas podes gardar ingredientes, utensilios de cociña e panos. E, por suposto, conta cunha superficie de traballo para que prepares comodamente a túa próxima delicia culinaria. Cando acabes de utilizala, vólvea poñer no seu sitio.
4. PARA AMANTES DA REPOSTERÍA. Esta illa de confección caseira ten de todo: unha superficie de traballo grande para amasar e moito espazo para gardar libros de cociña. Ademais, ao outro lado ten estantes para gardar os utensilios de cociña, cuncas e ingredientes. Aquí explicámosche como facela.
Encántanos que os clientes utilicen os nosos produtos dunha forma creativa. Atrévete ti tamén! Pero debes ter en conta que as modificacións e cambios que introduzas nos produtos de IKEA impiden que se poidan volver vender ou utilizar para o seu uso orixinal, polo que invalidan as garantías comerciais de IKEA e o dereito a devolución.
CRÉDITOS
Deseño de interiores: Marianne Eriksson
Fotografía: Simon Fritzell
Texto: Vanessa Algotsson
