Seis ideas para que o teu fogar sexa máis cálido e acolledor que nunca

Os tecidos son fantásticos para renovar os espazos sen ter que investir moito diñeiro. Con pequenos cambios, conseguirás transformar as túas estancias. Coa chegada do inverno, os tecidos cálidos regresan con forza para facer que o noso fogar sexa aínda máis acolledor. Á fin e ao cabo, non todo é poñer os radiadores ao máximo: as cortinas, mantas e alfombras axúdannos a que o fogar se manteña quentiño durante máis tempo. Gozarás de tanto confort que che custará saír pola porta!

Nos meses de frío, as alfombras volven ser un elemento básico das túas estancias, xa que achegan calidez e estilo aos fogares, e protexen o chan. Podes optar pola idea de combinar varios tipos de alfombras para darlles textura e movemento aos espazos. Para gozar dunha maior calidez, elixe modelos de pelo longo, que achegan maior confort. Tecidos como a la, o veludo ou mesmo as fibras sintéticas resultaranche aínda máis agradables. Iso si: lembra deixar os teus zapatos na entrada e non pisar con eles o chan da casa, e moito menos as alfombras.

Aínda que non pasemos tanto tempo no dormitorio como na sala de estar, tamén temos que adecualo e preparalo para o frío porque sabemos que non hai nada peor que meterse nunha cama fría. Así que opta por xogos de sabas máis grosas e cálidas, ou por un bo nórdico que che arroupe ben e resista as baixas temperaturas. Ah! E lembra lavar as sabas ou a funda nórdica unha vez á semana, polo menos, a 60° ou seguindo as instrucións do fabricante.