Xogos de comedor de exterior

O conxunto de comedor de exterior non pode faltar no teu espazo ao aire libre. É un lugar para comer, beber e gozar da compaña de familiares e amigos, ou simplemente para relaxarse ao sol. Independentemente do espazo do que dispoñas, unha mesa e un conxunto de cadeiras adoitar ser a primeira incorporación ao decorar un espazo ao aire libre. En IKEA atoparás unha chea de conxuntos completos de comedor para un balcón pequeno e acolledor, ou para un patio grande e amplo.

Que conxunto de comedor de exterior deberías escoller?

Á hora de escoller o mellor conxunto de comedor para exterior, hai algunhas cousas que ter en conta. Cantos asentos precisas? Que material prefires? Que forma e acabado combinan co teu patio ou xardín? 

Calcula os asentos que necesitas

En IKEA, atoparás conxuntos de comedor para dúas persoas ou solucións máis grandes con capacidade para ata oito persoas. Ao buscar o conxunto de comedor axeitado, considera o seguinte: canto espazo teño e cantos asentos preciso? Ademais de asentos para a túa familia máis próxima, vas celebrar ceas e festas? Nese caso, faralo tan a miúdo que necesitas poder engadir máis asentos facilmente? 

Varios dos nosos conxuntos de mobles de xardín inclúen mesas abatibles, onde poden comer ata catro persoas. Un conxunto de comedor para seis persoas pódese converter rapidamente nunha mesa para oito. Ten á man algunhas cadeiras pregables ou encastelables para cando as precises. 

Por último, no esquezamos os nenos. Bota unha ollada á nosa mesa de pícnic para nenos RESÖ. É un gran complemento onde os cativos poden gozar da súa propia cea a carón da mesa dos maiores. 

Combina a forma e o acabado co teu espazo exterior

Ao escoller un conxunto de comedor de xardín, considera como complementalo co resto do teu espazo ao aire libre. Como podes combinar a cor dos mobles coa cor das persianas? Hai algunha forma de realzar o patio ou o balcón co deseño do conxunto de exterior? 

Podes usar cores a xogo con outros elementos do espazo ao aire libre. Por exemplo, persianas, marquesiñas ou outros mobles. Isto pode axudarte a conseguir un aspecto uniforme. Utiliza algúns coxíns de exterior e unhas cantas mantas para engadir cores como complemento ou contraste. Deste xeito, poderás darlle o toque final e conseguir unha maior comodidade. 

Engade un parasol e coxíns ao teu conxunto de comedor de exterior

Vas comer fóra durante as horas máis calorosas do día? Varias das nosas mesas veñen cun burato para un parasol. Se escolles unha mesa sen burato, poderás atopar parasoles que se poden colocar á beira do conxunto de comedor. Descubre todos os nosos parasoles aquí.

Gústanche as veladas ata ben entrada a noite cos teus amigos e familiares? Con algúns coxíns de exterior poderás sentar comodamente durante horas. Algúns dos nosos conxuntos xa inclúen coxíns. Pero se o que che gusta é a creatividade e queres combinalos ao teu gusto, podes ver todos os nosos coxíns de exterior aquí.