Mesas para 2 persoas
Vivir nun espazo reducido é moito máis doado en compaña de mobles multifuncionais como os nosos xogos de comedor para dúas persoas. Estes conxuntos inclúen moitas funcións, están feitos de diferentes materiais e ata poden ser extensibles. Escolle o xogo que mellor se adapte ás túas necesidades e transfórmao rapidamente segundo as actividades que vaias facer e os convidados que teñas.
Ordenar e filtrar
Recomendado para ti
Vistos recentemente
Mesas de comedor de 2 prazas para recunchos acolledores e espazos difíciles
Tanto ten se é un almorzo coa túa compañeira de piso, unha cea para dous ou un intre co portátil pola tarde: as mesas de comedor de 2 prazas encaixan perfectamente no ritmo diario dos espazos pequenos. Como ten de ter o tamaño ideal para gozar de momentos importantes e dun día a día práctico, a nosa colección inclúe de todo: mesas pregables compactas, opcións extensibles e conxuntos de comedor de 2 prazas, todo isto deseñado para o teu espazo non semellar unha lata de sardiñas.
Que tipo de mesa de 2 prazas é mellor para min?
Depende de como (e onde) a vaias utilizar. Ten en conta o seguinte:
- Para comer a diario? Unha mesa de madeira resistente transmite calor e contundencia, ademais de ser o punto central do espazo e de convidar a ficar un chisco máis.
- Un uso ocasional ou unha cociña pequena? Unha mesa pregable é fácil de recoller e deixa espazo libre cando máis o necesitas.
- Necesitas flexibilidade? Unha mesa extensible ofréceche a posibilidade de dispor dunha superficie engadida cando recibes visita ou cando as comidas pasan a ser tardes de manualidades, de enviar correos ou de xogar a xogos de mesa.
Temos mesas brancas, en tonalidades madeira e de dúas tonalidades que se adaptan facilmente a diferentes estilos de interiores, como escandinavo minimalista, rústico ou urbano compacto.
Que inclúe un conxunto de comedor de 2 prazas?
Se empezas de cero, un conxunto de comedor de 2 prazas pode facilitarche moito a tarefa. Estes conxuntos foron emparellados para combinar perfectamente en tamaño, material e aspecto. Así non terás que darlles moitas voltas. Normalmente, inclúen:
- Unha mesa de comedor para dous
- Dúas cadeiras a xogo ou que combinen (nalgúns casos, pregables ou empillables)
- Algunhas veces inclúen características prácticas como almacenaxe debaixo da mesa ou ganchos para bolsas e panos de cociña
Os conxuntos están dispoñibles en distintos acabados e con diferentes funcións para que poidas escoller o que mellor se adapte ao teu espazo, sexa este un recuncho solleiro onde almorzar, un piso pequeno ou un curruncho nun espazo aberto.
Que cómpre ter en conta á hora de elixir unha mesa de comedor para un espazo pequeno?
Até as mesas máis pequenas poden resultar moi útiles cando se deseñan de maneira intelixente. Fíxate no seguinte:
- Deseños pregables ou abatibles para aforrar espazo entre usos
- Caixóns ou andeis integrados para gardar os xogos de cubertos, manteis individuais ou panos de mesa
- Os bordos arredondados transmiten unha sensación de suavidade e facilitan os movementos arredor da mesa
- As cores claras, como o branco, transmiten unha sensación de amplitude
Unha mesa de 2 prazas ben elixida non só é un lugar onde comer, tamén é o lugar onde vivir momentos inesquecibles. Unha pausa durante o día. Un prato compartido. Un segundo para baixar o ritmo Pequena? Si. Mais efectiva.