Mesas para 10 persoas

Mesas de comedor de 10 prazas para reunións grandes e pequenas

As mesas nas que collen moitas persoas teñen algo especial: as gargalladas, a boa comida, os choques accidentais ao pasar os pratos... As mesas de 10 prazas están pensadas para eses momentos, de maneira que teñas espazo para organizar desde unha comida de domingo até unha festa especial.

Por que unha mesa de 10 prazas é a elección correcta?

Se organizas moitas comidas na casa, non está de máis pensar na posibilidade de mercar unha mesa grande. Deste xeito, todos poderán sentar comodamente sen facer equilibrios para colocar as cadeiras. Moitos deseños son tamén extensibles, o que significa que podes deixar a mesa recollida con normalidade e abrila cando recibas visita.

Que material é mellor para cada fogar?

O aspecto e a textura da túa mesa son tan importantes como o tamaño. As opcións de carballo macizo e chapa de carballo transmiten calor e naturalidade, polo que son perfectas para un ambiente acolledor e atemporal. Se prefires un estilo máis lixeiro e alegre, unha mesa branca reflectirá mellor a luz e transmitirá unha sensación de amplitude, por moitas persoas ou cousas que houber no comedor. Escoller un acabado duradeiro tamén é importante, especialmente cando se utiliza a diario.

Como se simplifica o papel do anfitrión cunha mesa grande?

Unha mesa grande é importante para acoller a máis persoas, mais tamén para ter espazo abondo para as rutinas cotiás. Hai espazo para bandexas, pratos e mesmo para os teus pequenos axudantes axudaren coa masa mentres ti preparas a comida ao seu lado. Pensa:

• Os nenos usando cortapastas mentres ti preparas as cuncas para servir.
• Unhas galletas acabadas de facer arrefecendo en reixas ao lado da comida principal.
• Maior protección térmica ao sacar os pratos do forno se tes as manoplas preto.

Ao ter espazo para todo, unha mesa de comedor grande devén o centro do fogar: o escenario onde teñen lugar as comidas entre semana e as grandes celebracións.