Cortinas e estores

Atoparás as cortinas e os estores perfectos na tenda mais en liña, dentro da nosa colección. Temos unha ampla variedade de cores e estilos diferentes, polo que sempre haberá algo para cada estancia.

Descubre a ledicia, a elegancia e a funcionalidade dos téxtiles coas cortinas modernas de IKEA. Talvez queiras bloquear a luz do sol pola mañá para durmir máis os domingos. Ou, ao mellor, só estás a procurar unha forma fácil e elegante de dividir un cuarto. En calquera caso, atoparás as cortinas que se axusten ás túas necesidades aquí.

Cando as teñas, asegúrate de combinalas coas barras e as guías axeitadas.

Como escoller as cortinas en función do cuarto

Escoller unhas cortinas para o dormitorio, a sala de estar ou a cociña pode ser un desafío. Para que sexa máis doado, o primeiro que tes que ter en conta é a funcionalidade. Fíxate na orientación do cuarto, pensa para que o vas utilizar e planifica con isto en mente. A continuación, ofrecémosche algúns consellos.

Cortinas para o dormitorio

Se o teu dormitorio está orientado cara ao leste, polas mañás recibirá directamente a magnífica luz do sol. Se, pola contra, está orientado cara ao oeste, entrará luz ata o solpor. Pensa se precisas unhas cortinas grosas que bloqueen a luz para que non te moleste o sol mentres dormes.

Un truco de decoración é instalar estores detrás das cortinas nunha cor que combine ben. Isto achega un toque extra de profundidade ao cuarto.

Cortinas para a sala de estar

Se a túa sala de estar está orientada cara ao leste e a televisión está colocada mirando ás fiestras, o resplandor do solpor podería estragar a túa próxima sesión de cine. Unhas cortinas que escurezan o cuarto poden axudar a bloquear a luz se o que queres é perderte nunha película que estás a ver por primeira vez.

Se a luz non se reflicte na túa televisión, quizais prefiras unhas cortinas translúcidas e luminosas para que deixen pasar a luz polo día. Outra opción é escoller unhas cortinas cun estampado bonito que combine co deseño da túa sala de estar.

Cortinas para a cociña e o baño

As persianas venecianas son unha boa opción para a cociña. Se a auga con xabón do vertedoiro as salpica cando fregues os pratos, podes secalas con facilidade. Combina as persianas venecianas cun reberete bonito.

Respecto ás cortinas de baño, a privacidade é un factor que debemos ter en conta. Escolle unhas cortinas que cubran a fiestra do baño enteira, pero que deixen entrar a luz.

Como colgar cortinas longas

As cortinas longas pódense instalar de moitos xeitos. Cólgaas nos lados da fiestra para enmarcar con elas a vista do exterior. Se as colocas un pouco por riba da fiestra e deixas máis espazo nos lados, o cuarto parecerá máis grande. Aquí podes xogar coas cores e as tonalidades diferentes para crear un ambiente dinámico. 

Como crear novos espazos no fogar con cortinas

Cunhas cortinas grosas, podes crear a sensación de que hai dous espazos separados e independentes no mesmo cuarto. Por exemplo, podes aplicar esta técnica para crear un pequeno espazo de traballo na túa sala de estar. Ou tamén podes darlles algo de espazo propio aos teus fillos no caso de que compartan o dormitorio.

Para dividir un cuarto cunhas cortinas longas, tes que colgar as barras ou as guías do teito. Colócaas no centro do cuarto ou onde queiras establecer a división. A continuación, colga as cortinas e voilà!