Pode que o inverno estea a descargar a súa furia no exterior. Pero no interior, o viño quente entra ben e o pan de xenxibre desaparece. O Nadal sueco ten moitas tradicións, e moitas delas implican comidas deliciosas e bebidas saborosas. Na Tenda de Alimentación Sueca IKEA, atoparás todo o necesario. Dámosche a benvida ao inverno sueco.
Ordenar e filtrar
Lista de resultados
Amosando 24 de 35 resultados
Mostrar máisRecomendado para ti
Vistos recentemente
Categorías relacionadas
Preparar a mesa para unha celebración de Nadal nunca antes fora tan sinxelo. Nesta coidada selección encontrarás todo o necesario para montar unha comida festiva e inesquecible cos teus seres queridos. Este Nadal é o momento perfecto para as familias reunírense e gozaren dunha comida ben gorentosa. Para a reunión familiar ser aínda máis especial, reflicte o espírito do Nadal no xogo de cubertos e na vaixela.
Unha mesa preparada para unha marabillosa celebración de Nadal
Empeza elixindo un mantel ou tapete dunha cor tipicamente de Nadal, como o vermello ou o verde. Despois, cubre a mesa de maxia con portacandeas e candeas. Se che gustan as candeas longas tradicionais ou, pola contra, se es máis de candeas modernas, temos unha ampla variedade de opcións entre as que elixir.
Elixe unha vaixela que reflicta ó mesmo tempo o espírito do Nadal e o teu propio estilo persoal. Combina diferentes cores e estampados para crear un ambiente divertido ou aposta por un estilo clásico cun conxunto sinxelo en branco. Usa cristalaría a xogo, como copas de viño ou de champaña para darlle un toque de elegancia adicional. Non esquezas os toques finais! Decora cun toque de vexetación, como unha coroa ou unha grilanda, o centro da mesa.
Decorar o fogar durante a tempada de Nadal
Xusto antes do Nadal, os fogares suecos decóranse con todo tipo de adornos, candeas, tapetes, adornos e figuras decorativas. Pendúranse grilandas con plantas de inverno, como arandos vermellos e ramalletes de piñeiro. As árbores de Nadal suecas son un asunto moi serio, e decóranse segundo a tradición familiar. Algúns con bandeiras; outros con ouropel e adornos de cores. O toque final é cousa dos adornos e accesorios para a árbore de Nadal.
Crea ambiente con luces de Nadal
As luces e candeas son importantes, sobre todo nos momentos previos ao Nadal e durante estas festas. Colócanse lámpadas con forma de estrela e luces de Nadal nas fiestras, o que fai que as casas resulten acolledoras por dentro e brillen na escuridade para os que están fóra. Ofrecen calidez e luminosidade aos fogares suecos durante unha época do ano na que a luz do sol é limitada.
Organiza unha festa de glögg
Organizar unha festa de glögg pode ser unha forma divertida e alegre de celebrar o inverno con familiares e amigos. Son reunións sociais comúns nas semanas previas ó Nadal para partillar glögg (viño quente con especias) con familiares, amigos e mesmo compañeiros do traballo. Os meses de verán antes do Nadal son unha época moi popular para organizar festas de glögg, mais tamén as podes celebrar en xaneiro ou febreiro.
Atrévete a preparar o teu propio glögg para a festa. Normalmente o glögg sérvese quente. Podes probar diferentes receitas ou mercar glögg VINTERSAGA xa preparado. A maioría das receitas poden incluír viño tinto, especias (como canela e cravo), azucre, améndoas e pasas. Ademais de glögg, podes servir comida sueca tradicional, como albóndegas, arenques ou galletas de xenxibre. Tamén podes pedirlles ós teus convidados que leven os seus propios pratos para compartir.