Bolsa isotérmica

Por que son tan especiais as bolsas isotérmicas? 

As bolsas isotérmicas son moi útiles para manter a comida e as bebidas frías durante un tempo, especialmente se vai moita calor fóra e o corpo pide algo refrescante. Estas bolsas están deseñadas para manter o aire frío dentro e o aire quente fóra, de xeito que as cousas que gardes no interior fiquen frescas e refrixeradas. Tanto se vas de pícnic como se montas unha grellada, un plan de praia ou unha viaxe por estrada, estas bolsas isotérmicas son imprescindibles. Son tan versátiles que podes levalas a calquera parte.

Estas bolsas no se deseñaron só para as viaxes longas, senón que tamén se poden utilizar para actividades do día a día, como facer a compra. Son unha alternativa marabillosa ás bolsas de papel ou de plástico, xa que manteñen os alimentos frescos durante máis tempo, sobre todo nos traxectos máis longos. Moitas bolsas isotérmicas teñen correas axustables, de modo que son doadas de transportar e permítenche facer outras cousas coas mans. En xeral, estas bolsas manteñen a comida refrixerada durante dúas horas, pero se engades un bloque refrixerador, pode durar fresca entre 4 e 24 horas. 

Como un sopro de aire fresco! 

Se gozas pasando tempo ao aire libre ou tomando algo fresquiño nun día caloroso, as bolsas isotérmicas serán moi útiles para ti. Cumpren a súa función perfectamente, pero hai determinadas cousas que podes facer para que os produtos se manteñan fríos durante máis tempo.  

Un truco é meter a túa bolsiña isotérmica na neveira polo menos 24 horas antes de utilizala. Así aseguraraste de que se manteña fresca de xeito uniforme. Se metes comida e bebidas na bolsa, é mellor que as coloques enriba para poder atopalas doadamente. Deste xeito, evitarás ter que remexer e que escape o aire frío. 

As cores máis escuras absorben a humidade; é mellor optar por unha bolsa dunha cor clara se queres manter as cousas frescas durante máis tempo. E se queres un extra de frescura, podes incorporar un bloque refrixerador. Bótalle unha ollada á nosa bolsa isotérmica, que esperamos que se adapte ao teu estilazo, tanto se che gustan os estampados rechamantes como se prefires as cores lisas. 

Para manter a comida e as bebidas frescas, asegúrate de coidar as bolsas isotérmicas en cada desprazamento.