Saltar
GL ESgalego

Para o 2030, só plástico reciclado ou procedente de material renovable nos produtos IKEA

Retiramos gradualmente todo o plástico dun único uso da gama de decoración e produtos para o fogar e imos eliminar o plástico das embalaxes dos nosos produtos. O noso obxectivo é utilizar exclusivamente plástico de fontes renovables ou recicladas para reducir os reboutallos e darlles varias vidas aos produtos mediante o seu uso e reutilización.

Parede de azulexos verdes con dous ganchos KNOPARE verdes que parecen un barco de xoguete, nun dos cales hai pendurada unha bolsa de macramé branca.

Produtos reciclados para que ti poidas reciclar

Iniciamos unha transición non só para fabricar produtos de plástico a partir de residuos industriais, senón tamén de residuos domésticos. O primeiro destes produtos é o caldeiro para o lixo HÅLLBAR, que se utiliza para separar os residuos e reciclar nos fogares.

Un caixón de cociña aberto que mostra unha solución de clasificación de residuos HÅLLBAR en gris claro con catro caldeiros, botellas PET e residuos orgánicos.
Un mesado de cociña de madeira, unha toalla, frontes de caixón de aceiro inoxidable e unha persoa botando residuos orgánicos nun caldeiro para o lixo HÅLLBAR.

Reutiliza as nosas bolsas reselables ISTAD

ISTAD, a nosa bolsa reutilizable multiúsos reselabe, fabrícase agora con materiais renovables procedentes do sector da cana de azucre. Ao ser duradeira e reselable, a ISTAD pódese utilizar unha e outra vez, o que contribúe a reducir o número de bolsas de plástico que acaban no lixo.

Un mesado de cociña branco, tres bolsas reselables ISTAD e unha persoa con camisa vaqueira metendo torradas nunha das bolsas.
“Somos curiosos e interésanos explorar, innovar e desenvolver xunto con todos os nosos socios en toda a cadea de valor e convosco como clientes.”
Minh NguyenMaterial and Innovation Manager
Produtos de maquillaxe organizados nunha minicómoda GODMORGON afumada con 2 caixóns á beira dun vaso con flores sobre un toucador.

As tecnoloxías intelixentes baixan os prezos e melloran a sostibilidade

A nova tecnoloxía de coinxección permítenos utilizar dous materiais diferentes no mesmo produto. Así podemos escoller cada un deles segundo a súa finalidade. Como fixemos co testo NYPON, que consiste nun núcleo estrutural menos custoso e unha capa exterior ou revestimento de mellor aspecto e tacto.

Un testo NYPON gris cun fento sobre unha mesa auxiliar turquesa diante dunha cortina turquesa.

Máis produtos creados con plástico reciclado

A nosa transición ao uso exclusivo de plástico baseado en materiais renovables ou reciclados está moi avanzada. Moitas das nosas grandes familias de produtos de plástico xa se fabrican cunha gran proporción de plástico reciclado.

Unha caixa GODMORGON con compartimentos onde hai gardados un bolso dourado, unhas tesoiras e unha selección de artigos de maquillaxe e aseo.
Tres ganchos KNOPARE verdes montados na parede, en dous dos cales penduran bolsas, mentres que no terceiro hai unha chaqueta.
Unha planta interior verde e exuberante acabada de plantar nun testo NYPON gris, rodeada de terra e varios testos de terracota.
Un baño con baldosas brancas e negras, e un estante VESKEN branco con esponxas de baño e toallas en cores pastel.
Un recibidor moderno con paredes claras, chans escuros e dous conxuntos de zapateiros TRONES montados entre un espello e un zapateiro.
“Temos que repensar a forma de deseñar, producir e reutilizar o material plástico para os produtos en IKEA.”
Erik LjungbladPlastic Category Manager
Unha cadeira JANINGE amarela brillante premontada sobre un chan de madeira clara diante dunha parede branca.

O negro sempre retorna

Utilízanse 25 botellas de PET recicladas para crear as superficies de cor negra mate de cada fronte KUNGSBACKA. A invención deste material foi unha colaboración cun provedor.

Máis información sobre os nosos provedores
Unha cociña moderna con frontes KUNGSBACKA negras e utensilios nun lado do vertedoiro e unha planta grande no outro.
Máis información sobre os nosos provedores

Eliminación gradual do plástico das embalaxes destinadas ao consumidor de aquí a 2028​

A nosa variedade de edredóns e almofadas SMÅSPORRE é só un exemplo no que puxemos en práctica unha solución de papel. Após numerosas probas, pasamos das embalaxes tradicionais de plástico a unhas de papel. A nova solución reduce a nosa dependencia do plástico e utiliza papel dunha fábrica escandinava alimentada con enerxía renovable. Tamén introducimos bolsas de papel para os accesorios dos mobles durante 2023 e diminuímos o consumo de plástico en aproximadamente 1400 toneladas ao ano. ​

Un edredón SMÅSPORRE, cálido
Unha bolsa de plástico desbotada e unha botella de PET sobre unha cama de algas húmidas e murchas á beira da auga, iluminadas pola tenue luz da mañá.

Traballar con residuos

É fundamental atoparmos novas formas de traballar con materiais reciclados e o aproveitamento dos residuos como recurso supón un paso cara a un futuro máis sostible.

Unha caixa KUGGIS branca cunha selección de bolígrafos de cores, cinta rosa e varias madeixas de fío de cores vivas.

O PET é o plástico máis reciclado do mundo e pode empregarse para moitos fins distintos.

Xuntos logramos máis

A nosa transición cara ao uso exclusivo de plástico reciclado ou procedente de materiais renovables require tempo e esixe buscarmos novas formas de facer as cousas. No entanto, estamos decididos a asumir esta responsabilidade e a esforzarnos por encontrar solucións novidosas. Queremos ofrecerlles aos nosos clientes a posibilidade de elixir produtos fabricados con materiais máis sostibles que poidan volver reciclarse no futuro. Xuntos podemos marcar a diferenza.

Cóntanos a túa experiencia!